2025. urtea erabakigarria da gure lurraldearentzat publizitate aldetik. Euskal Elkargoak Ipar Euskal Herriko 158 Herriko Etxeentzat arauak finkatuko ditu.
Mila moldez, publizitateak kontsumitzea gure kezka guzien konponbidea dela adierazten digu. Arazo frango sortzen ditu zabaltzen dituen mezuen bidez: mezu sexistak, menpekotasuna sortzen duten produktuak, larrialdi klimatikoarekin bateraezinak diren bizimoldeak. Gure bizi-ingurunea hondatzen du.
Bederatzi Herriko Etxek publizitateari eremu librea utzi nahi diote: Angelu, Baiona, Biarritz, Kanbo, Ziburu, Hendaia, Donibane Lohizune, Senpere eta Urruñak.
Lagun gaitzazu zuer Herriko Etxearekin harremanetan sartzen zinez babeslea den eta asmo handiko araudiaren lortzeko!
Hemen irakur dezakezuen gutun irekian, Angelu, Baiona, Biarritz, Kanbo, Ziburu, Hendaia, Donibane Lohizune, Senpere eta Urruñako hautetsiei dei egiten diegu hainbat urtez eragina ukanen duen iragarki araudiarî buruz beren jarrera argi dezaten.
Karrikako altzarietan hirugarren mailako araudia defendatzen duten kontratuak dituzten herri hauek, gaur egun karrikako-altzarien kontratuetarako salbuespenaren alde dira. Ez badute beren jarrera berrikusten, publizitateari buruzko arau oso laxoak defendatuko lituzkete tokiko publizitate araudi berriarentzat (RPLi /hTPA-rentzat):
- legeak normalki babesten dituen eremuetan karrikako altzarietan publizitatearentzat – digitalarentzat ere – salbuespena;
- ainitz erabiliak diren bideen bazterretan diren biztanleentzat biziki babes guti ekartzen duen “Egituratze Ardatzak” eremua plantan ematea;
- Baionako hiriguneko eta kostaldeko 27 herrietako “Etxebizitza” guneetan 10 m²-tik gorako murruko iragarki-taulak baimentzea, gainerako herrietan gehienez 4,50 m²-ko murru-iragarkiak bakarrik baimentzen dira;
- hirigune guzietan publizitate argiztatua eta baita ere digitala egiteko baimena.
Horregatik gomitatzen ditugu logika aldatzera babesa arau bilakatuz eta baimen berezia edo dispentsa salbuespen bilakatuz.
Herri horietako biztanle gisa, zu izanen zira kaltetuetan lehena. Zu ere, sar harremanetan zure hautetsiekin eta galda jarrera argi dezaten!
RiseFor tresnarekin, zure Herriko Etxera mezu elektroniko bat bidaltzen ahal duzu zonbait kliketan! Testua prestatu dizugu, nahi duzun maneran aldatzen ahal duzuna, harremanetan sartzeko eta galderen egiteko prozesua errexteko.
Zure auzapezari mezu elektronikoa euskaraz igortzeko, hona hemen kopiatzeko eta kolatzeko prest den testua:
[Jaun/Andere, auzapeza]
Atsekabez irakurri dut Ipar Euskal Herriko eta Aturriko Publizitatea Geldi kolektiboak bidali gutun irekia. Gure Herriko Etxeak, hainbat urtez publizitate-erakusle enpresa batekin lotzen duen kontratua ukaiteaz gain, [Herriko Etxeko] auzapez gisa, tokiko publizitate araudi (RLPi/hTPA) berriarentzat, publizitateari dagokionez, oso araudi laxoak defendatzen zenituzke:
- legeak normalki babesten dituen eremuetan karrikako altzarietan publizitatearentzat – digitalarentzat ere – salbuespena;
- ainitz erabiliak diren bideen bazterretan diren biztanleentzat biziki babes guti ekartzen duen “Egituratze Ardatzak” eremua plantan ematea;
- Baionako hiriguneko eta kostaldeko 27 herrietako “Etxebizitza” guneetan 10 m²-tik gorako murruko iragarki-taulak baimentzea, gainerako herrietan gehienez 4,50 m²-ko murru-iragarkiak bakarrik baimentzen dira;
- hirigune guzietan publizitate argiztatua eta baita ere digitala egiteko baimena.
[Herrian] bizi naiz eta zinez espero dut hori ez dela gure Herriaren izenean hTPAren gidaritza batzordean defendatzen ari ziren jarrera.
Herritarrei beren bizimoldean ahaleginak egiteko galdatua zaielarik, zaila izanen da ulertzea ez bazira erregularki, klima, osagarria, elikadura, mugikortasuna, etab. arloetako politika publikoen kontrako norabidean doazen pizgarriak zabaltzen dituen publizitatea ahal bezain bat mugatzeko ekiten ari.
Araudi honekin, gure bizi-ingurunea zaintzeko eta edertzeko parada ere baduzu. Zure engaiamendua beharrezkoa da gaur egun, publizitate-pizgarrietatik babestua den bizi-ingurune sanoa bermatzeko.
Horregatik gomitatzen zaitut denbora pixka bat hartzera zure Herriko Kontseiluaren barnean eztabaidatzeko, eta zuen jarrera definitzea ondokoak kontuan hartuz:
- “Ondare naturala/arkitekturala” eremua, publizitatearen kontra arras babesgarria dena (hiriko altzarien iragarkiak barne) eta Ingurumen Kodea baino babes gutiagokoa ez den araudia.
- lurraldeko biztanle guzientzat tratu berdintasuna bermatzea, hau da, “Egituratze Ardatz” eremurik gabeko Araudiaren alde eta murru-iragarkien muga bera 4,5 m²-ra “etxebizitza” guneetan,
- publizitate digitalaren debekua, eremu guzietan eta publizitate argiztatuarena « etxebizitza » eremuetan
- saltegien heste tenorean berean erakusleihoen gibelean diren entseinak eta iragarki digitalak itzaltzea.
Zure jarrera ez bada , Ipar Euskal Herriko eta Aturriko Publizitatea Geldi kolektiboak lotzen dizuna, zehazten ahal didazu zure iritzia eztabaidagai diren hainbat elementuri buruz?
Zure erantzunaren menturan, onar ezazu ene errespetuzko agurra.
