2020ko herri eta elkargoko hauteskundeen karietara, Ipar Euskal Herriko biztalegoaren %62a ordezkatzen duten 46 herri, lurraldearen metamorfosi ekologikoaren alde lan egiten engaiatu ziren. Hitza Hitz batzordeak segurtatu behar du beraz hitz hauek egiazki ekintzak segitzen dituztela.
Baina Hitza Hitz batzordeak 2.000 biztanle baino gehiago dituzten 10 Herriko Etxek egiten dituzten ekintzen jarraipena egiten du (3 hiri: Angelu, Bokale eta Donibane Lohizune eta 7 herri: Ahetze, Arbona, Arrangoitze, Basusarri, Beskoitze, Larresoro eta Ahurti), zeren ipar Euskal Herriko metamorfosia haiek gabe ez baita gertatuko! Batzorde honek, beraz, bere hautetsi izenpetzaileen bidez engaiatua den Euskal Elkargoko biztanleriaren kasik % 87 ordezkatzen duten 56 Herriko Etxerekin zaintza herritarra egiten du.
Jarraipen lan horren eta gure batzordearen azkartzeko helburuarekin, ahal bezain bat begirale behar ditugu, herri guzien jarraipena egiteko!
Misio hori onartzen baduzu, Itun honen bidez gauzatu behar diren ekintza eremu saihestezinei buruzko ikerketa lana egin beharko duzu (hots, mugikortasun eztiak, energia berriztagarriak, laborantza eta elikadura biologiko eta tokikoak, energiaren menperatzea, hondakinen murriztea, euskoaren garapena eta Klima Planaren deklinatzea) . Horrez gain, klimaren edo metamorfosi ekologikoaren aurka doazen neurriei buruz abisatu beharko gaituzu, publikoki salatu ditzagun!
Egunez egun, segi ezazu mapa honen bidez begiraleak behar ditugun lehentasunezko lurraldeak:
- Grisez diren Herriak ez dira jadanik Itunaren izenpetzaile baina begiralegai batek konbentzitzen ahal ditu.
- Iranjaz diren Herriek jadanik begirale bat badute beren jarraipena egiteko, baina beste edozein laguntza ongi etorria izanen da!
Begiraleak antolatzen dira Baionan hileroko bilkuran parte hartuz eta posta elektronikoz, horren bidez dinamika aitzina eramateko misio berriak proposatzen dira
Motibatua? Gurekin bat egin ezazu, Ipar Euskal Herriko metamorfosiaren alde jarduteko:
Informazio gehiagorako, gurekin harremanetan sar hitzahitz@bizimugi.eu helbidera idatziz.
Elkarrekin, sekulako indarra gira!
