2023ko urriaren 7 eta 8an, milaka izan gaitezen Baionan Euskal Herria Burujaberentzat!
Kontzertuak, hitzaldiak, bazkariak, erakusmahaiak, erakusketak, proiekzioak, testigantzak, eztabaidak, jarduera ludikoak asteburu osoan iraganen dira.
Zatoz klimaren erronkari erantzuten dioten eta Euskal Herri jasangarri, solidario eta burujabe bat sortzen duten alternatiben ezagutzera. Gure lurralde mailan, lagundu dezagun mundu hobea, justuagoa eta jasangarriagoa eraikitzen!
Baionako erdigunea autoetarik libratua izanen da, karrikak eta plazak okupatuak eta bereziki antolatuak karia horretara. Urriaren 7an, larunbatarekin, 14:00etatik aitzina, hitzordua finkatua zaizue!
Besta herrikoia
Bi besta giroko arrats hauentzat artistak eta DJak aitzin ikusiak dira. Zea Mays rock taldea zerrendaburu izanen da urriaren 7an, larunbatarekin!
Igande arratsean, Zoufris Maracasek girotuko du bere estilo bereziarekin mezuekilako kantuak eta munduko musikak nahasiz.
Asteburuan zehar, karrika ikuskizunak, animazioak, dantzak, bazkari herrikoiak, erakusketak, ostatua, haurren xokoa ere ezagutzekoak izanen dira Baionako karriketan, familian edo lagunarteko giroan!
Hitzaldi programa handia
Berrogei bat hitzaldik Euskal Herriko eta kanpoko hizlariak nahasiko dituzte larunbat arratsaldean eta igandean egun osoan.
Elkartrukeek analisiak, esperientzia arrakastatsuak eta inspiratzaileak partekatzeko parada eskainiko dute, eta Euskal Herriko metamorfosiaren kausitzeko konponbide berriak irudikatzen lagungarriak izanen dira.
Philippe Aramendi, Manon Aubry, Joseba Azkarraga, Delphine Batho, Mirene Begiristain, Martine Bisauta, Aurélien Bigo, Maryse Cachenaut, Damien Carême, Francis Carricart, Iker Castège, Anna Chavepayre, Guillaume Choisy, Antidia Citores, Laurie Debove, Manuel Domergue, Fabien Duprez, Txetx Etcheverry, Xabi Etcheverry, Cédric Herrou, Jean-François Julliard, Xanti Kiroga, Lumir Lapray, Anne Lacouture, Pierre Larrouturou, Hervé le Treut, Charles-Adrien Louis, Beñat Molinos, Paloma Moritz, Amaia Munoa, Paul Neau, Barbara Nicoloso, Victor Pachon, Jon Palais, Timothée Parrique, Unai Pascual, Lucie Pinson, Eric Piolle, Catherine Sabbah, Marie Toussaint… Hauek dira urriaren 7an eta 8an Baionan izanen diren pertsonalitateetarik batzu.
Euskal Herria Burujabe aitzin ikusten duen alternatiben herrixka
Karrikaz karrika, gazte zein helduek zazpi auzo tematikoetan barna ibiliz, jarduera ainitz ezagutzeko parada ukanen dute: tailerrak, erakusketak, ekitaldiak, erakus mahaiak, planetarendako eta moltsarendako plano onak, elkarteen edo biztanleen lekukotasunak.
Elkartasuna, etxebizitza, energia, laborantza & elikadura, mugikortasuna, ekonomia, politika: ehun bat egitura eta hizlari izango dira!
Zure zain den abentura kolektiboa
Euskal Herria Burujabe : 500 laguntzaile taldea junta ezazu
Zure lurraldea eraldatzeko klimaren eta justizia sozialaren alde engaiatzeko gogoa duzu? Euskal Herria Burujaberen antolaketak besoak zabaltzen dizkizu!
Oradindanik engaiatzen ahal zira edo urriaren 7an eta 8an ekitaldian berean.
Zure laguntza ekartzen ahal duzu ere aterpetxe bat proposatuz hizlarientzat edo laguntzaileentat.
Baionako Cordeliers-en karrikaren 20., Izen emate orriaren bertsio inprimituak eskuragarri dira.
Elkarrekin alimaleko indarra gira!
Gertakariarentzat emaitza bat egin ezazu
Emaitza bat eginez ere laguntzen ahal gaituzu. Bildua izanen den dirua hein handi batean urririk den eta deneri irekia den ekitaldi honen antolaketa behar bezala gauzatzeko erabilia izanen da.
Informazio praktikoak
Webgunearen planoa, pausa gunea, heltze erraztasuna, haurren xokoa… Laster atzemanen dituzue informazio zehat horiek guziak!
