Aug 22 2024
3 aste bakarrik gelditzen dira sartze militantea aitzin! Gaur Klima Egonaldiaren programa aurkezten dugu. Burujabetza konkretuak eraiki eskuin muturra gibelarazteko, Pentsa erradikal, ekin pragmatiko, Euskal Herrian bestela bizi: alternatiben ekosistema, Artifizializazioa: tokiko borrokak, larrialdi globala!, Ekitaldi bat Atik Zra antolatu: Hauek dira irailaren 12tik 15era Mugerre-Elizaberriko Trinketean antolaturiko hogei formakuntza ikastaro eta mahai inguruetako batzuk. …
Aug 21 2024
Banderola erraldoi bat Biarrizko hondartza handitik hurbil zabalduz, Se loger au pays – Herrian Bizi plataformak turismo denboraldiaren erdian eta Alternatiba Itzulia dela eta, Euskal Herriko etxebizitzaren krisian bigarren etxebizitzen ugaritzeak duten ondorio larriak agerian utzi ditu.
Aug 18 2024
Alternatiba Itzuliak asteburu honetan Baionan eta Biarritzen bere etapa egin du, ehunka herritar, eragile, elkarte eta partalier bilduz, gaurkotasuneko gaiak, hala nola, klima aldaketaren, eskuin muturraren eta bigarren etxebizitzen ugaritzearen kontrako borroka nabarmentzeko, eta horiei guziei buru egiteko aterabideak aurkezteko.
Jul 19 2024
Legebiltzarreko hauteskundeen emaitzak arintze bat dira. Ekintza kolektiboak bere fruitua eman zuen! Eskerrak gurekin lan egin duten guziei.
Hala ere, Damoklesen ezpatak gure buruen gainean segitzen du eta egiteko obra alimalea da. Untsa merezitua den udako pausatik landa, Bizi! agorrilaren erdialdean lanera itzuliko da, gogoetan eta praktiketan erronka ekologiko eta sozialak aitzinarazteko.
Jul 03 2024
“Existitzea buru egitea da.”
Jacques Ellul
Bizikutzuren zenbaki berriko atal guziak jarraian.
Jul 02 2024
Euskal Elkargoko lehendakari jauna,
Larunbat honetan, ekainaren 15ean, Ipar Euskal Herriko herrien arteko Publizitatearen Tokiko Araudiaren orientabide orokorrak eztabaidatuko dituzue. Horiek finkatuko dute zuen anbizioaren maila lurraldeko biztanleriaren bizi ingurumenaren zaintzeko kanpoko eremuetako publizitatearen inbasioaren kontra, aplikatuko diren arau eta eremuak zehaztu aitzin.
Gaur egun taulen % 40k gutienez ez ditu Estatu mailako araudiak betetzen eta kopuru hori mekanikoki handiagoa izanen da tokiko araudiaren plantan ematetik landa, azken honek araudi berriak gehituko dituelarik.
Koherentzia osasun eta ekologia erronken parean
Jun 26 2024
✊🏼 26 urte baino gutiago dituzu eta lurraldearen metamorfosi ekologiko eta sozialaren alde ekiteko gogoa? 🤯 Tokiko kolektibitateak zuzenean eta zeharka berotegi-efektuko gasen % 15 eta 50aren erantzule dira. 🫵🏼 Palanka horretan zehazki eragiteko gogoa duzu? ✍️ Herritar Zerbitzuko misioarentzat zure hautagaitza igor Biziren Hitza hitz – Lurralde mailako alternatibak lantaldera. 📩 Misioari buruzko xehetasun gehiago …
Jun 20 2024
Uztaileko legebiltzarreko hauteskundeen emaitzak edozein izanikan ere, ikasturte hasieran topaketa handi bat beharko dugu justizia sozialaren eta burujabetza errealen eraikuntzaren aldeko indar ekologista guzientzat.
Antolatzen ikasi, klimaren alde borrokatu, demokrazia defendatu, alternatibak indartu, iharduki, gure estrategiak egokitu, loturak eraiki: Klima Egonaldia hor izanen da Ipar Euskal Herrian mobilizazio segida berri bat elkarrekin prestatzeko.
Hitzordua finkatua beraz, irailaren 12tik 15era!
Jun 19 2024
Eskuin muturra boterera heltzea, Legebiltzarrean eta gobernuan, irudikatzeko zaila den nahasmendua litzateke eta gure bizitzentzat berehalako mehatxua.
Bizik 5 ekintza eraginkorrekiko kit-a plazaratzen du hemen, denen eskura utziz, RNri buru egiteko, eskuin muturreko alderdi arrazista, antisozial, antidemokratiko eta anti-ekologista honen kontra mobilizatzeko.
Jun 13 2024
Hautetsiei Euskal Herriko Publizitate Araudiak hartzen zituen orientabideen berri emateko eta abisatzeko hainbat gutun eta mezu elektroniko igorri ondotik, Euskal Herri Aturri Publizitatea Geldi kolektiboak, Bizi! harekin parte dena, mezu elektroniko baten bidez gomitatzen ditu Elkargoko Kontseiluko eztabaidan serioski parte hartzera, ekainaren 15ean, larunbatez. Kolektiboak eskatzen die gidaritza batzordeko hautetsiei egiazki babesgarriak diren orientabide orokorrak …
