Patxokiren 40 urteak duintasunez ospatzeko eta Patxoki berriari bizi luzea opatzeko, hitzordua finkatua da azaroaren 29an larunbatarekin, oraingo eraikinean eginen den azken bestarako, Baionako Tonneliers-en karrikako 23bis zenbakian. Patxokik gomitatzen ditu urte hauetan lekua biziarazi duten militante eta artista belaunaldi guziak, bertan aritu diren laguntzaile guziak, eta gaualdi ahaztezinak bizi izan dituzten pertsona guziak elkarrekin ospatzera “Azken Patxoki Dantza” izeneko besta giroko gaualdi musikal eta militantea.
