Nuclenor konpainiak, Iparraldetik 134 km-ra dagoen Garoñako zentral nuklearraren jabe denak, ez du zentralarentzat baimenaren eraberritzea eskatu, alta, -2019ra arteko- luzapen horren egiteko epemuga asteazken arratsean finkatua zen.
Zentral nuklearrak bere jarduera 2013an buka lezake beraz. Bizik 2012ko martxoaren 11n Baionan antolatu zuen jende-kateak hori bera eskatzen zuen, Fukushiman iragan istripuaren lehen urtemugakari. Garoñakoa, Fukushimaren gisako zentrala da, baina 40 urte baino gehiago martxan dena orain! Fessenheimekoa baino aise zaharragoa beraz.
Bizi ! berri honekin pozten da, baina adi egonen da eta hurbiletik jarraituko du gertakari hauen bilakaera. Izan ere, hainbat elementuk erakusten du Nuclenor konpainia eta espainiar gobernuaren arteko indar jokoa dela, azken honek apal ditzan espainiar zentral nuklearren bizi-luzapenerako Segurtasun Nuklearraren Kontseiluak eskatzen dituen segurtasun baldintzak. Inbestimendu horiek 120 milioi euroko gastua erran nahi lukete Garoñaren kasuan.
Fukushimako gunean egoera konpontzetik urrun den une honetan, Bizi !-k deia zabaltzen du orain eta hemen, energia trantsizio politika ausart baten alde engaiatzeko, Negawatt eszenarioan oinarri hartuz, nuklearretik ateratzeko, negutegi efektua eragiten duten gasen apal-arazteko eta eredu energetikoz aldatzeko heldu diren urteetan.
Bizik 2012ko martxoaren 11an antolatu jende-katea
Santa Maria de Garoñako zentrala nuklearraren berehalako hestea eskatzeko.
