Lotsagarria ! Biztanleek haien leihoetan eman dituzten « Planète en danger, mobiliza gaitezen » afitxak kentzea herriko langileeri agintzen du UMPko auzapez-deputatu batek!
Eredu polita, Grenet jauna!
Joan den larunbatan abenduaren 5ean Bizi !-k Baionarrak gomitatu zituen haien leihoak berdatzerat -eta ahalez « planète en danger, mobiliza gaitezen » afitxekin-. Beroketa klimatikoari buruzko arrangura gero eta haundiagoa dela adierazteko eta agintariek aterabide egokiak har ditzaten egin zen deialdi hori. Zonbait biztanlek afitxak utzi zituzten astelehena artio (abenduaren 7a).
Jean Grenet UMP auzapez-deputatuak agindu harrigarria eman berri du, gaur berean Kopenageko gailurraren lehen eguna delarik; berehala hasi dira aginduak betetzen.
Biztanleak deitu dituzte leihoetatik afitxen eta banderolen kentzeko, isun baten mehatxu eginez ere kentzen ez bazuten.
Okerrago, astelehen arratsalde hontan, herriko langileak zurubi-kamioi batean pasatu dira karriketan herriko poliziek babesturik, « planète en danger, mobiliza gaitezen » afitxak kentzeko, batzutan laugarren estaia artio iganez! Aintzinetik abisatu gabe hasi dira afitxak kentzen, beren etxean ziren jendeen protestek ezin izan dute herriko langileen lana geldiarazi.
Segidarentzat, klika behereko (…) -etan!
[:] Denbora berean, gisa berdinean leihoetan lotuak diren Aviron Bayonnais-ko afitxak ez dira kenduak izan.
Nicolas Sarkozy-k eta Jean-Louis Borloo-k (parti radical-ko lehendakaria, Jean Grenet Baionako ordezkaria delarik) herritar mobilizazioa deitzen dute beroketa klimatikoari buru egiteko, bainan errealitatean gertakari harrigarri horrek argi uzten du zein haundia den deklarazioen eta ekintzen arteko tartea.
Bizik erabaki autoritario eta anakroniko hori irmoki kondenatzen du, argiki erakusten baitu Jean Grenet jauna bezalako politikoek Copenhague-n jokoan diren erronkak guttiesten dituztela. Gobernatzen duten jende horien jarrerak, ulertarazten digu tamalez, zergaitik Copenhague-n ez den akordiorik edo akordio eskasa izanen den. Alta behar lituzkete erabaki onak hartu, gizateriak ez dezan ezin geldituzko aldaketa klimatiko bat ezagutu heldu den mendean zehar.
Heldu den larunbatan, abenduaren 12an, Bizik berriz deitzen ditu Baionarrak « planète en danger, mobiliza gaitezen » afitxak leihoetan emaitea. Afitxa horiek eskuratzen ahal dira Cordeliers karrikako 22an, Biziren lokalean edo Baionako leku eta ostatu desberdinetan. Bizik deitzen ditu jarrera horren biktimak edo mehatxatuak diren jendeak, haien lekukotasunak uzterat 05 59 25 65 52 edo 06 37 07 15 18 telefonorat deituz.
