Bizi!k bere elkartasuna erakusten du, greban diren trenbideetako langileei

Bizi !k bere elkartasun osoa adierazten du momento honetan SNCFaren merkantzien garraioaren deuseztearen kontra borrokan diren trenbideetako langileei.
Eramaiten duten borrokarentzat esker beroenak nahi dizkiegu hel arazi, eta tinko atxik dezaten nahi ditugu sustatu.

Errex asmatzen dugu haiek eta haien familiek ordaindu behar duten prezioa, luzatzera doan greba mugimendu honetan. Argi dugu, borroka horretan ez dutela bakarrik haien langile interesa defendatzen, baina jendarte osoarena, gure ingurumenarena eta gure geroarena.
SNCFaren merkantzien garraioaren atxikitzearen alde doan greba hori, jada abian den aldaketa klimatikoaren kontrako eta gure osagarriaren gan ondorio kaltegarriak dituen « dena auto-kamioiezko » politikaren kontrako borroka da .

SNCFaren merkantzien parte haundi baten gaur egungo suntsiketa zentzugabekeri ekologiko bat da bai eta ere injustizia sozial bat. Gure gero hurbilari egiten zaion iraina da : petrolioaren prezioa molde ikaragarri eta iraunkorran goruntz joanen delarik, hemendik urte batzu barne, SNCFaren zuzendaritzaren eta podere publikoaren gaurko erabaki eta jokabide zozo bezain arduragabeetaz damutuko gira.
Arrazoin guzi horien gatik deitzen ditugu Bizi!ren kide eta laguntzaile guziak trenbideko langileen mugimenduaren sustengatzera, beren sareetan haien grebaren zilegitasunaren esplikatzera eta grebalarien mobilizazio deiei erantzutera datozen egunetan.