E-25

Astearte honetan, irailaren 10an, Greenpeace France-ek bere sustengua ofizialki ekarri du Alternatiba-ri. Greenpeace-ek erabaki du Baionara mobilizatzeko deia luzatzera, igandean urriaren 6eko. Ber erabakia hartu du Sortir du Nucléaire (Nuklearretik atera) sareak (934 elkarte ezberdin biltzen dituen federazioak).

Ostirala honetan, irailaren 13an, Alternatiba hainbat kazetari eta pertsonalitateren aurrean aurkeztua izanen da Parisen. Horrez gain, Jean-Noël Etcheverry “Txetx”gomitatua izan da Alternatiba proiektua presentatzerat ber egunean Fête de l’Humanité bestaren karietarat, arratseko 19:00etan iraganen den mahai ingururat, Delphine Batho, André Chasssaigne, Corinne Morel Darleux eta Hervé le Treut-ren parte hartzearekin.

1000 pertsonatik goitik (500 laguntzailek, 200 artistek, 100 mintzaldi emailek, 200 erakuslek edo elkarte/erakunde ezberdinen ordezkarik) ahal den ongi etorririk onena eginen dute igandean, urriaren 6an, Alternatiba 2013ra, alternatiben herrixkara, Baionan agertuko diren parte hartzaileer.

Urriaren 6an Baionan iraganen diren 50 hitzaldi eta mahai inguruen lehen aurkezpen xehe bat atxemanen duzue hemen klikatuz: bizimugi.eu/fr/alternatiba-bayonne-50-conferences/

Horri esker, ezohizko ekitaldi sortzailea izanen den Alternatiba 2013-aren garrantzia nehurtzen ahalko da.