2024ko abenduaren 31n, 12:00etatik 20:00etara, Bizi! pertsona migratzaile eta erbesteratuen aldeko besta giroko arratsaldea antolatzen ari da. 6. edizio honetako egitarauan: edariak, pintxoak eta matahamiak, kontzertuak eta musika, ahateen arrantza. Ekitaldia Patxokian iraganen da (Tonneliers-en karrikako 23 bis-ean, Baiona Ttipian). Edonor etor daiteke bertara lagunarteko giroko momento baten pasatzera, bakarrik, familiarekin edo lagunekin. Besta honetan laguntzaile gisa parte hartzea ere posible da aitzinetik izena emanez (https://urls.fr/HAxU59)!
Eskuin muturraren gorakadaren kontrako sustengu ekitaldia
Ekitaldi hau eskuin muturreko ideien gorakadarekin, migratzaileen kontrako tonua gogortzen ari den garai oso berezi hauetan gure sostengua baieztatzeko aukera ere bada. “Europa osoan, gobernuek immigrazioari buru egiteko aterabide batzuri pentsatzen dute”. ‘Iturria: France info,, Immigrazioa: Europak bere tonua gogortzen du)
Ekimen asko biderkatzen ari dira. Italiak lehen aldikotz bidali ditu migratzaileak Albaniara, haien kasuak aztertuko dituzten zentroetara. Errefuxiatu estatusa ez badute lortzen, kanporatuak izaiteko mehatxua badute.
Kausa klimatikoa, migrazio iturria
Hondamendi klimatikoak ere migrazioaren arrazoietako bat dira. Muturreko klima-arriskuak jasaten dituzten herrialdeen kopurua asko handituko da 2040ra arte. 2024ko ekainean, Nazio Batuen Goi Batzordeak baieztatu zuenez, “gaur egun 90 milioi pertsona bizi dira klima-inpaktu handiak edo muturrekoak jasaten dituzten herrialdeetan, eta horrek pertsona horien egoera oraino prekarioagoa bilakatzen du”. NBEk mundu osoan 250 milioi errefuxiatu klimatiko aurreikusten ditu 2050ean.
Hain urrun ez den migrazioa: frantses eta español Estatuen arteko muga
Jende askok kontzientzia hartzen du migratzaileek izan ditzaketen arriskuetaz, baina gutik imajinatzen dute arriskuak etxetik 30 minutura direla. Irun eta Hendaia arteko muga zeharkatzen saiatzen ari ziren pertsonetan bederatzi hil zenbatu dira 2021az geroztik. «2023ko maiatzean, bost erakundek (AI, Cimade, MSF, MM, Anafé-k) Frantzia eta Espainiaren arteko muga eremuan, migratzaileekiko agintarien hainbat eskubide urraketa salatzen zituen txostena argitaratu zuten.”. Legez kanpoko “berehalako itzultze” asko egin ditu Muga Poliziak, muga pasatzean egoera irregularrean diren pertsonak Espainiara itzuliz. «Migratzaileak, beraz, gero eta arrisku gehiago hartzera behartuak dira nehor ohartu gabe pasatzeko. Trenbidea segitzen dute, Bidasoa ibaia igerian zeharkatzen dute edo gauez mendietako xenderak hartzen dituzte, ekipamendu egokirik gabe», azaldu du Léna Le Forestier-ek Frantses eta Español Estatuen arteko mugako migrazio gaiaren ikertzaileak.
Irabaziak tokiko elkarteeei emanak izanen dira
Besta egun solidario honetan lorturiko etekinak, osorik, Bestearekin, Etorkinekin-Diakité eta Une école, un toi des papiers elkarteei emanak izanen zaizkie. Elkarte hauek tokiko mailan, etorkinei eta erbesteratuei harrera eta laguntza segurtatzeko lan egiten dute.
Parte hartzera gomitatzen zaituztegu topaketen, elkartasunaren eta eskuzabaltasunaren besta eguna izan dadin.
Eguerditik goiti, etorri urtats egun hau gurekin partekatzera, familiarekin, lagunekin, edo berdin bakarrik, eta aldi berean zure laguntza ekarri lurraldean diren migratzaile eta erbesteratuei harrera duina egiteeari.
Komunikazioan parte hartzen ahal duzu. Zabaldu ezazu loturik den afixa zure sareetan, zabaldu Facebookeko ekitaldia, zatoz eta lagun gaitzazu afixatzen eta eskupaperak banatzen larunbatetan, abenduaren 14 eta 21ean!
Azkenik eta sustut, abenduaren 31n 10:00etatik 21:00etara laguntzaile bilaka! Behar ezberdinak badirua, ostatua atxikitzeko, matahamien mahana segurtatzeko, pintxoak prestatzeko eta saltzeko, Biziren erakus mahaia atxikitzeko. Laster, zure izena eman hemen:
