Ostegun honetan, maiatzaren 23an, Canneseko festibala bete-betean den bitartean, Bizik bi iragarki-afixa ilarak inguratzen duten tapiz gorria hedatu du Canneseko Festibalaren sarrerako eskaileretan ekintzaileak hautetsi eta iragarlea bezala jantzirik igotzen zirelarik. Ipar Euskal Herriko Herriarteko Tokiko Publizitatearen Araudiaren jarraibide orokorrak landuak izaten ari direlarik, elkarteak publizitatetik normalean babestuak diren eremuetan publizitatea ager arazteko parada emanen duten jarraibide permisiboei buruz argiak itzuli du. Ber maneran, Euskal Elkargoko presidenteari dei egiten dio ez dezala amore eman polizia boterearen eskualdaketari,etortzekoak diren arauak betearazteko, horiek fikziozkoak bakarrik ez daitezen izan.
Ostegun honetan, maiatzaren 23an, Biziko ekintzaileek Ipar Euskal Herriko Herriarteko Tokiko Publizitatearen Araudiaren (RLPi) gidaritza batzordeko hautetsien maskarak jantzirik publizitatez inguraturiko tapiza gorria hedatu dute Euskal Elkargoa egoitzako eskaileretan. Publizitatea izan da bai, lehen lerroan, festibal parodiko honetan. “Hautetsiak”, «99 eusko. Iragarleentzat Ipar Euskal Herriko braderia handia», lehian sartua den filma bakarrako aktoreak dira. Aktore hauek harrera egin zioten, eskaileretako goialdean, produkzioari, hots publizistaz jantziriko beste ekintzaile bati – bai eta bere zuzendariari, Jean-René Etchegarayz jantziriko ekintzaileari. Memento horretan elkarteak mezuak zabaldu ditu ondokoak adierazteko: “RLPi zinez babeslearen alde!” edo “Itxurapenik gabeko araudiaren alde!”.
RLPi delakoak, Euskal Elkargoko Herriko Etxe guzien kanpoko publizitateari dagokionez zer baimendua eta debekatua den zehaztuko du-, eta hain zuzen ere, landua izaten ari da. Orientazio orokorren fasea ekainaren 15ean eztabaidatuko da Euskal Elkargoko Kontseiluan. Nahiz eta borondate politikoa agerian emana den, jarraibideen egungo bertsioak anbizio eskasa du elkartearen ustez. Izan ere, RLPi batek Erregelamendu Nazionala baino babes handiagoa ekarri behar du, baina normalean babestuta diren sektoreetan publizitatea berriz sartzeko ere erabil daiteke. Hala ere, salbuespen mota hori da gaur egun hiri-altzarietan publizitatea egiteko aurreikusia dena, hain xuxen ere «ondarearen eta paisaiaren ikuspuntutik espazio sentsibleenetan».
Bizik ber maneran, deitoratu du oraingo bertsioak ez duela asmo sendorik erakusten, besteak beste galdatuz iragarki argiztatuak debekatzea eta jarduerak bukatu eta irekidura arteko tartean argizko idazkunen itzaltzea, 2 m²-ko kanpoko panelak mugatzea edo bidegurutze edo biribilguneetatik 75 m-ko erradioaren barnean publizitatearen kontra babestea.
Elkartearen erranetan uko egitearen beste ikur bat, seinaleen % 40k jada arau nazionalak ez dituelarik errespetatzen, Euskal Elkargoko presidenteak jakinarazi du hiriguneari ematen zaion afixaketaren kontrolatzeko eskumen polizialari uko egin nahi ziola eta ardura hau utzi nahi zuela 158 Herriko Etxeei nahiz eta horietako askok erantzukizun hori beren gain hartzeko gaitasunik ez izan.
“Jean-René Etchegarayk bere ardurak bere gain ez baditu hartzen eta Euskal Elkargoak bozkatu dituen arauak betearazteari uko egiten badio, egiazko Publizitatearen Festibalak mehatxatzen gaitu” ohartarazi du Anthony Lubranok, Biziko bozeramaileak.
Herrogatik Bizik gidaritza-batzordeari biltzea eskatzen dio biztanleriak eta jendarte zibilak adierazitako babes-eskakizun sendoak kontuan hartzeko, jarraibide orokorren asmoen goititzea berrikusteko, bereziki babes gutiagoko salbuespenak kenduz. Halaber, lurraldeko bizi-ingurunearen zinezko babesaz kezkatuak diren Herriko Etxeak beren kontseiluetan eztabaidatzera eta gidaritza-batzordeari bren eskaerak hel araztera animatzen ditu. Azkenik, Euskal Elkargoko presidentea gomitatzen du normalean hirigune elkargoaren esku izan behar den eginkizuna bere gain har dezan: afixaketaren arloko polizia eskumenen eskualdaketa ez uztea eta Herriko Etxeak beren ber ez uztea.
