Sistema alda dezagun, eta ez klima! Mezu hori dute oihukatu milaka gaztek, astearte honetan, uztailaren 23an, Emmaus Festibalan, Lescar-en, Alternatibarako Dei argazki erraldoian. Alternatiba, aldaketa klimatikoaren saihesteko balio duten alternatiben herrixka izanen da eta Baionan iraganen da, urriaren 6an.
Ostiral honetan, uztailarne 26an, argazki erraldoi bat hartua izanen da Baionako Besten erdian. Hitzordua finkatua zaizue, ostiralan, uztailaren 26an, eguerdi eta erdi-tan “Les Pyrénées“ostatuan, Paul-Bert plazan, Baiona Ttipian.
Jin numbrian ! Gomita luza zuen inguruan!
Gaur egun, podere ekonomiko eta politikoaren giderrak eskutan dituztenek erraiten badute “Gutarik landa, uholdea!“, gero eta gehiago izanen gira ondoko erantzunaren luzarazteko “Ez dugu B planetarik! Guk balore sakratu gisa elkartasuna dugu, planetako populu xumeenekiko ; hain xuxen hoiek baitute jada aldaketa klimatikoataz sofritzen; eta ondoko belaunaldiekiko! Ez dugu lur hau gure arbasoetatik lortu, gure haurrer mailegatzen dugu!”
2013ko ekainaren 3an, prentsa agiri batek alarma gorria zela argi uzten zuen (www.insu.cnrs.fr/node/4319). Sciences de l’Univers au CERFACS (Centre Européen de Recherche et de Formation Avancée en Calcul Scientifique) laboratorioko ikerlari batzuren lan berrien arabera, 2°C-en gainditzea 2035ko aurreikusia da. Konduan hartu behar da balore hori gaindituz geroz klima aldaketaren larritasuna kontrolez kanpokoa izanen dela.
Altabada, Stéphane Hessel-ek zion bezala : “berokoeta klimatikoaren aurka aterabideak badira, trantsizio energetikoaren bideak biderkatzen dira, milaka elkartek, norbanakok, herrik eta eskualdek, munduan zehar, jada praktikan emaiten dituzte. Milaka alternatiba horiek, eguneroko bizian parte hartzen dute neurritsuago, jendeentzat egokiagoa, airosago eta solidarioago den jendarte baten sorkuntzan”.
Perspektiba hortan dira milaka herritar engaiatu, desafio klimatikoari aurre egiten dion mundu hobe bat eraiki nahi dutenak, mobilizatzen. Hitzordua hartu dute, gaurdanik, igandean, urriaren 6an, Baionan, Alternatiban, hots aldaketa klimatikoaren saihesteko alternatiben herrixkan.
Alternatiba-k Mediapart-en duen blogan artikulu hau ere aurkitzen ahal da :
