Ostirala honetan, apirilaren 26an, Baionan, Parti de Gauche-eko buruzagi batekin eta Berdeen euro-diputatu batekin ezohizko hitzaldi bat izanen da. Bertan gehienezko errenta baimendua nozioaren erronka sozial eta ekologikoak aztertuak izanen dira. Asteazkenan, maiatzaren lehenean, Baionan, goizeko 11etan, Bizi !k antolatuko du aldarrikapen eta besta girodun desfile bat gehienezko errenta baimendua aldarrikatzeko, eta mugimendu sozial eta sindikalei bai eta alderdi politikoei ideia horren beren ganatzea galdegiteko.
Erregularki eta askotan entzuten ditugu betiko argumentoak Bernard Arnaud, Gérard 
Depardieu eta Alain Afflelou bezalakoen defentsan: dituzten fortuna edo aberastasunak, merezi dituzte, beren lana eta talentuari esker lortu dituzte.
Baina zer lan, zer ardura hartze mota, zer ikasketa maila erabiltzen ahal dira pertsona batek bere auzoa baino 10 000 aldiz gehiago planetako baliabideren kontsumitzeko ahala ukaiten ahal duela justifikatzeko.
Zer karrerak, zer ikasketek, zer negozioetareko genio edo kiroletako gaitasunek pertsona bati emaiten ahal diote bere auzoak baino 10 000 aldiz gehiago berotegi efektuzko gasen isurtzeko edo beste motako ondakinen botatzeko ?
Azken urteetan Biarritzeko aireportura lurreratzen diren jet edo hegazkin pribatuen kopurua 3 aldiz bidertu da. Horietan dira bidaiatzen edo agertzen CAC40eko buruzagi bat edo beste edo errusiar oligarko bat edo beste eta noski, erregularki Alain Afflelou eta bere Falcon 50a ! Gaur egun 2 milioi euroko inbertsioa egina izanen da luxuzko baldintza hobeagoetan ongi etorria segurtatua izan dadin Biarritzeko aireportuan, eta horri esker oraino gehiago boteredun erakartzeko. Jakina da hegazkinez bidaiatzeak jada badituela ondorio ezezkorrak berotegi efektuzko gasen isurketa mailan, baina bakarrik bidaiatzea, norbanakoak bere hegazkinean bidaiatzea, aberrazio kriminal bat da konduan hartuz gaur egun mehatxatzen gaituen uzkailketa klimatikoa! Nola onartzen ahal ditugu holako jokamoldeak? Eta nola sustatzen ahal?
Dena ez da haizu:
Badira lege batzu, 130 km orduan baino lasterrago ibiltzerat debekatzen dutenak, bideetan ez dadin besteen bizia arriskuan ezarria izan. Zergatik ez litaike lege bat plantan emana izaiten ahal gure planetaren oreka ekologikoak eta jendartearen oreka sozialak mehatxatzen dituzten jendeen kontsumo eta satsudura mailen mugatzeko edo saihesteko ?
Gehienezko errenta baimenduaren aldarrikapenak lagundu behar gaitu eztabaida orokorraren terminoak base on batzuren gainean eraikitzen. Hortik landa gaurdanik aurre egin behar dugun krisi sozial, ekonomiko, finantzario, ekologiko eta klimatikoei baldintza onetan aterabideen asmatzeko.
Erronka funtsezkoa da : eztabaida publikoan behar da berriz sartu muga eskasen gainean eraikia den sistema orokor batean, hots kapitalismoan, mugen ezartzeko zilegitasuna eta beharra.
Neurrigabetasuna, aberastasun pilaketa eta « muga gabetasuna » aintzinean emaiten duen sistemak, hondamendirat zuzen zuen garamatza. Aski da erran behar dugu. Mugen ezartzen hasi behar dugu, haurren hezkuntzan egiten den maneran.
