Igandea apirilaren 2an : zuek ere, Korrikan parte har ezazue Bizirekin batera !

Korrikaren 20. edizioa : Bizi!-k Euskararekiko bere sustengua adierazten du !

Korrikak (www.korrika.org) Euskal-Herri osoa zeharkatuko du martxoaren 30etik apirilaren 9ra, Otxandiotik Iruñearaino.

Hirugarren aldikotz, Bizi!-k aurten ere bere kilometroa ukanen du (732.a) 2017ko Korrikaren ibilbidearen 2.200 km-en artean. Eskuz esku lekuko bat pasatzen den errelebo lasterketa ospetsu hau Euskararen aldeko ekimenetarik garrantzitsuenetako bat da.

Guztiok parte hartzera gomitatuak zirezte. Bizi!-ren kilometroa 18:13tan Polo-Beyrisetik abiatuko da eta kilometro bat urrunago bukatuko. Hitzordua 17:50etan  abiagunean.
Korrika denentzako egokia den lasterketa herritarra da : haurrak, gazteak, adintsuak, denentzat tokia bada ! Ongi etorri !

– Mapa :

[:eu]Deskargatu[:fr]Télécharger[:] (PDF, Unknown)

– Baionan Korrikaren pasatzetik aitzin eta ondotik :
Aurten, hainbat Baionako elkarte bildu dira festa-egunaldi baten elkar-antolatzeko Baionan Korrikaren pasatzearen inguruan.
Egitaraua Xaho plazan :

  • talo eta txaranga egun osoan zehar
  • 11:00 : Haurrentzako animazioak + Mutxikoak
  • 11:30 : Urtxintxa + Bertso poteo (Mami Txula, Patxondo, Kalostrape, Epaiska)
  • 13:30 : Mutxikoak / Dantzak
  • 14:00 : Bazkaria « Baiona Kantuz » animaturik
  • 17:30 : Korrikaren pasatzea Chaho-Pelletier-tik hurbil

Oroipena: Biziren kilometroa 18:13tan hasiko da Polo-Beyriseko frontoiaren paretik

Korrikaren pasatzearen inguruko festa egunaldian parte hartu nahi baduzu :

https://docs.google.com/forms/d/1PiOkscsMI5gPKoBJq56t1gzRPncAvDdVtFfJ-6eaLIo/viewform?edit_requested=true