Hitza Hitz lan taldeak herriko etxeen engaiamenduen gauzatzeari buruzko 2019ko txostena prestatzen du eta zuen beharra badu!

2014ko martxoan, 30  zerrendak gehiengoa lortu dute beren herriko etxean,  trantsizio energetikoari buruzko ituna izenpetu ondoren edo Biziren  klima-energia tresna kutxan engaiamenduak hartu ondoren.

Agintaldi honetan, hautetsi horiek Ipar Euskal Herri jasangarri, solidario eta oraino bizigarri bati bideak idekitzen dituzten gakoen parte bat eskuetan zuten.

2016–an eta  2018–an herriko etxeen engaiamenduen gauzatzeen aintzinamenduari buruz Biziren Hitza Hitz Batzordeaz argitaratuak izan diren  bi txostenetarik landa, hirugarren txosten bat idatzia izaiten ari da 2020ko herriko etxeetako hauteskundeak aintzin bilan baten egiteko herriko etxeek plantan eman dituzten gauzatzeei buruz. 

Herriko etxeei galdegin diegu fitxa batzuren osatzea  beren engaiamenduen atxikitzeko plantan eman dituzten ekintza zehatzen aurkezteko. Denak 13 tematikatan banatuak ziren: hirigintza, mugikortasuna, energia, etxegintza, egoitzak, laborantza, oihanak, ura, eremu berdeak, ekonomia, kontsumo arduratsua, hondarkinak, arrisku eta estrategia.

30 herriko etxeetarik 26k hel arazi dizkigute beren ekintzen bilanak. Erantzun diguten herrien zerrenda aurkitzen ahal duzue   mapa inter-aktibo honetan bai eta  haien erantzun zehatzak lortzen ahal.

Lortu ditugun erantzun horiek oinarri gisa erabiliko ditugu zerrenda horien trantsizio ekologikoaren arloko agintaldi bukaerako bilana eginen duen txostenaren idazteko. Herriko etxe horien erantzunak nahi ditugu konparatu eta perspektiban eman tematika bakoitzean berezituak diren elkarteen eta herritarren iritzia bilduz.

Zuen herriko etxearen kasuari buruz oharrak hel arazten ahal dizkiguzue  izen emaite orri hau osatuz astelehena, azaroaren 11a aitzin, ondoko galdera hauei erantzunak ekarriz:

Herriko Etxearen erantzunek herrian bertan ikusten duzunarekin bat egiten ote dute?

Ikusi ote dituzu  zure herrian, ekintza batzu Herriko Etxeak gauzatu dituenak eta haren engaiamenduen kontra doazenak?

Edo ekintza batzu hartuak izan diren engaiamenduen gauzatzeari buruz doazenak ez dira aipatuak izan?

Txosten hori lau haizetara zabalduko dugu 2019ko urte bukaeran, eta herriko etxeetako hauteskundeak aitzin herritarrak eta hautetsi berriak mobilizatzeko lurralderaren beharrezko metamorfosi ekologikoaren erronkei buruz.

Ber maneran argitaratuko dugu Ipar Euskal Herriaren metamorfosi ekologikoaren aldeko  itun bat horren bidez herriko etxeetako hauteskundeetan  aurkeztuko diren zerrendak bultzatzeko engaiamendu handinahien hartzerat 2020/2026 agintaldiarentzat herriko etxeen bai eta hirigunearen mailan. Lurralde mailako alternatiben kanpainan parte hartu nahi izanez geroz, Hitza Hitz lan taldearen bilkurara etortzen ahal zira, hilabeteko bigarren eta laugarren asteazkenean, 18:00etarik 18:55 arte edo harremanetan sartzen ahal comite.hitzahitz@gmail.com helbidean xehetasun gehiagoren ukaiteko.