Asteazken honetan, uztailaren 24an, hots, Biarritzeko G7aren irekitzea baino hilabete bat xuxen lehenago, Emmanuel Macron-en 125.potreta deslotua izan da. Frantses Estatuak bere urteko aztarna ekologikoa gainditzeko, hain xuxen ere 125 egun aski dituela eta joan den maiatzaren 23an 80 pertsonalitatek G7a aitzin 125 lehendakari potreten deslotzeko dei bat luzatu zuten. Deiaren desafioa altxatu da asteazken goiz honetan gauzatuak izan diren deslotzeekin, Rosny-sous-Bois, Magny-Court, Paris 18è, Gimouille eta 125 garrena Ezpeletako herrian, herri hau izanen delarik G7ko lehendakari eta gobernu buruen espos lagunetaz bisitatua. Potreta horiek aterako dira G7aren karietara, Baionan, igandearekin, agorrilaren 25ean, 10:30etan iraganen den prentsaitzineko erraldoian.
Maiatzaren 23an, 80 pertsonalitatek argitaratu dute G7a aintzin, Emmanuel Macron-en 125 potreten deslotzeko Deia. Frantses Estatuak bere urteko aztarna ekologikoa gainditzeko, hain xuxen ere 125 egun aski ditu. Horren helburua da G7aren karietara “mundu osotik etorriko diren 3 500 kazetariren aitzinean salatzea ingurumen eta justizia sozialaren arloan Macron lehendakariaren Estatu mailako politika ez dela inondik ere klimaren arloan mundu mailako aintzindari gisa agertzen den bere nazioarteko hitz hartze handi eta ederren heinekoa.” Helburua lortu da asteazken goiz honetan, uztailaren 24an, hilabete bat xuxen Biarritzeko G7aren irekitzea aitzin, eta berote handi aldi erdian, horrelako ekintzei oraino zentzu gehiago emanez, jakinez 5 ekintza eginak izan direla 5 herri ezberdinetan: horrela Macron-en potretak deslotuak izan dira goiz honetan ANV-COP21 hots Action Non-violente COP21-eko talde ezberdinetaz Pariseko 18.-eko, Ile-de-France-eko Rosny-sous-Bois-n, Nièvre-eko Magny-Cours et Gimouille-eko Herriko Etxeetan.
Bizi!k, ANV-COPO21-eko euskal adarrak, 125. Macron lehendakariaren potreta deslotu du Ezpeletako Herriko Etxean. Herri hortan da Brigitte Macron agertu joan den maiatzaren 16an G7ko Estatu eta Gobernu Buruen espos lagunen bisita ofizialaren prestatzeko. Bizi!ren ekintzaileek ordezkatu dute potreta ofiziala afitxa batekin non irakurtzen ahal zen “Klima, Justizia Soziala, Nun da Macron? CETA ez milesker!”
Hori dela eta 125 lehendakari potreta Estatu mailan gune ezberdinetan deslotuak izan dira, klima militanteak lotsaraztea lortu ez duen errepresio aldi bati hasiera emanez. Kasua BLAT edo Borroka Anti-Terroristaren Bulegoaren esku utzia izan da, 136 ekintzaile entzunak izan dira, 85 atxiloturik egon dira, 45 deituak dira epailearen aitzinean agertzerat 14 auzitan, horietarik 3 iraila honetan izanen direlarik (Lyon-en, irailaren 2an, Parisen, irailaren 11n eta Orléans-en, irailaren 13an).
Lehendakari potretak Frantses Estatu osoko polizia eta jendarmetaz xekatuak direnak (gaur arte jada 67 miaketa!) berriz agertuko dira G7aren erdian, Baionan, hots edozoin manifestaldi mota debekatua den gunean. agorrilaren 24 eta 26an.
Hori egina izanen da prentsa aitzineko erraldoi baten karietara. Bertan Macron lehendakariaren klimari buruzko, bere gobernuak 2050eko aitzinean emaiten dituen helburuei buruzko, edo klima beroketa 2°C petik eta ahalaz 1,5°C-tan mugatzeko Pariseko akordioaren xedeari buruzko nazioarte mailako diskurtso handien eta Macron gobernuaren politika errealaren, ekintzen, eta eguneroko erabaki zehatzen artean den arla edo arroila erraldoia erakutsiko da.
Prentsaitzineko hau, klima mugimenduko hainbat militante eta pertsonalitaterekin iraganen da, igandean, agorrilaren 25ean, G7aren 2. egunean, 10:30etan, hemendik harat zehaztua izanen zaizuen Baionako hiri barneko gune batean.
Bizi! eta ANV-COP21, 2019ko uztailaren 24an
