Jaun, Andere agurgarriak,
Ondasun komunaren bermatzaile eta lurraldeen garapenean eragile garrantzitsu diren tokiko hautetsiek funtsezko zeregina dute lurraldeen garapen proiektu eta trantsizio ekologiko, ekonomiko eta sozialen abiaraztean, garapenean eta iraunkortzean. Ipar Euskal Herriko Herriko Etxeetako edo Elkargoko hautetsi gisa, auzapez, axuant edo Euskal Elkargoko batzorde bateko kide gisa dituzun funtzioen bitartez, Bihar Institutuak eta Bizik eskaintzen duten Tokiko ekonomiaren alde ekin euskoaren garapenari esker formakuntzak zure interesarekin bat egiten du bereziki.
Izan ere, zure egitekoetan ekonomiari eta finantzari lotuak diren elementuak badira, formakuntza honek Europako 1. tokiko monetaren funtzionamendua menperatzeko gaitasuna emanen dizu bai eta zergatik Euskoa tokiko garapenerako tresna indartsu eta berritzailea den ezagutzeko parada.
Kultura edo kirol arduraduna bazira, Herriko Etxearen zerbitzuak tokiko monetekin aritzeko behar diren ezagutza eta tresnak emanen dizkizu.
Trantsizio ekologikoaren Herriko Etxeko edo Elkargoko batzordean sartua bazira, Euskoak interesatuko zaitu metamorfosi ekologikorako palanka edo indar biderkatzaile nagusi gisa. Zeren eta, lurraldean jarduerak birtokiratzeko lagungarri bada, tokiko moneta, bereziki, aldaketa-bektore indartsua da, interes orokorreko tresna gisa. Izan ere, tokiko moneta bilakatu diren euroak Crédit Coopératif eta La Nef banku etikoetako erreserba-funtsetan ezarriak dira. Funts horiek inbertsio arduratsuko zirkuitu berriak elikatzen dituzte sozial edo ekologiko arloan gainbalio handiko proiektuak finantzatzeko erabiliak direnak.
Formakuntza hau 2022ko abenduaren 16an iraganen da, ostiralez, 09:30etik 17:00etara, Hiriburun.
Herriko Etxeko eta Euskal Elkargoko hautetsi gisa beharrezko gaitasunak eskuratzeko parada emanen dizu:
• Zure tokiko kolektibitateak tokiko moneta molde zehatzean erabiltzeko, bai diru-sarreretan, bai gastuetan;
• Tokiko moneta zure lurralde garapenean eta trantsizio ekologiko, ekonomiko eta sozialeko politikan pixkanaka txertatzeko plan bat diseinatzeko.
Tokiko kolektibitateak lehen lerroan dira sekulan ikusi ez diren desafio ekologiko eta sozialen altxatzeko. Ekintza publiko eraginkorra, lurralde erresiliente bat eraikitzeko gai dena, erronken untsa menperatzea, erabaki egokiak hartzeko.
Izen ematea:
Izen ematea sarean egiten da, behereko estekan:
Tokiko ekonomia eta euskoa:
Finantzaketa mekanismoa:
Beren Herriko Etxeko eta Elkargoko agintaldiaren baitan, tokiko hautetsiek formakuntzarako eskubidea badute.
Informazio gehiagorentzat:
https://cedis-formation.org/le-droit-a-la-formation-des-elu-es-locaux/
Formakuntzari buruzko informazioa:
Informazio gehiagorentzat, sartu harremanetan CEDISekin 01 41 58 52 46 telefonoan edo bregeon@cedis-formation.org helbidean
Agurrik ekologikoenak,
