Biziren urteko Biltzar Nagusia, larunbat honetan, apirilaren 17an iragan da bideo-konferentziaz, plantan den konfinamendua dela eta. Bere aktibitate ezberdinen martxan atxikitzeko lana eta tresnak egokitzen jarraitzea lortu izaiteak, eta, bilan moral eta finantzarioak ia aho batez onartuak izaiteak indarturik, Bizi! mugimenduak bere Koordinaketa berria bozkatu du.
Biziren 45 kideren parte hartzea izan duen Biltzar Nagusiak urteko ohiko txosten finantzarioa eta morala onartu ditu ia aho batez. Azken urte hau bereziki bizia izan da, nahiz eta osasun baldintza bereziak izan, 6 hilabeteko barne eztabaida, hausnarketa eta trukaketa aberatseko prozesua, gauzatu da, besteak beste Maule, Ziburu, Donibane Garazi eta Baionan gaindi iragan diren hainbat topaketarekin. Baina, era berean, bizikletaren aldeko eta autobusentzat berezituak diren bideen aldeko politiketan anbizio gehiago galdegiteko hainbat ekintza eta kanpaina plantan eman dira; Metamorfosiaren aldeko Itunaren kanpaina; engaiamenduen gauzatzearen jarraipenaren egiteko Begirale ekologikoen sarearen plantan emaitea; klimaren aldeko funtsezko lege baten aldeko mobilizazioa; EtorkiZUna plataformren abiatzea, etorkin eta errefuxiatuei laguntza eta elkartasuna ekartzen duen sarearen sustengatzeko; klima eta sozial arloko larrialdiaren aitzinean mobilizazioak lastertzeko formakuntzen antolatzea.
2009ko ekainean sortua, Bizi hainbat lan taldetan bai eta tokiko taldetan (Xiberoan, Baxe-Nafarroan, Hego-Lapurdin, etab.) egituratu da. Elkarteak, lurraldeko beste aktore batzurekin batera, Ipar Euskal Herriko hainbat alternatiba zehatz eta iraunkorren sortzean parte hartu du. Garaipen zehatzak lortzen dituen eta konduan hartua den tokiko aktore bat bilakatuarik, Bizik, bere ekarpena egiten du trantsizio ekologikoaren arloko tokiko alternatiben ekosistemaren indartzean.
Biziren Koordinaketa berriaren bozkatzea
Azkenik, Biltzar Nagusiak Biziren Koordinaketa berria bozkatu du. Biziren Koordinaketa, mugimenduaren animazio eta koordinazioa segurtazten duen instantzia da. Jarraian diren 40 pertsonetaz (20 emaztez eta 20 gizonez) osatua da: Anaiz Aguirre, Mégane André, Henri Azkue, Nathalie Bacarisse, Iza Bainvel, Nicolas Balerdi, Mathilde Bréant, Jérémie Bude, Stéphanie Carré, Aurélien Carrodano, Julien Clapié, Guillaume Del Tedesco, Anne Denoroy, Elise Dilet, Oihana Driollet, Dominika Durruty, Romain Dussault, Magali Etcheverria, Thibaut Godin, Xabier Harlouchet, Iban Grossier, Marie Christine Lagrange, Maia Larronde de Ajuriaguerra, Magali Lartigue, Ximun Lastiri, Anthony Lubrano, Shawn Lubrano, Ellande Mendixka, Francisco Ordas, Nerea Peponnet, Marion Pichery, Christelle Pucheu, Johan Rivière, Cristel Rouma, Justine Roux, Jean-Marc Sarthou, Eki Solorzano, Emmanuelle Tosini, François Verdet, Laurent Vettorel.
