« I have a dream » M.L. King
Editoriala
Eta etorkizuna… gure patuaren burujabe izateko eguna balitz?
Ia hiru hilabetetik hona, gogoeta anitz izan dira, usu aberatsak, bai eta ekintza kolektibo trenkatzaileak. Halere, botere politikoaren erantzuna, hemen beste toki guzietan bezala, enegarren krisi sistemiko hau kudeatzea da,”erresiliente” izaitea, hots krisira egokitzea, ahal bezala ziloen estaltzea. Eta etorkizunean… epe laburreko kontulari kudeaketa baten ordez, petatxu bat iduri duen erresilientziaren ordez, kalteen ardura dutenei diru publikoa zabalduz, zinez suntsitzen gaituenaren erroetara jaoaten bagina?
Egin dezagun amets, eta eginahalak egin ditzagun, horren gauzatzeko. Eta etorkizuna…dena hemen hasten balitz?
Potreta: Anthony, 39 urte, Mugerre
“Heldu diren urteetako ibilbidea erabakigarria izanen da: hemendik aitzina Herriko Etxeak eta Euskal elkargoa Ipar Euskal Herriko metamorfosi ekologikoan engaia daitezen, militanteen mobilizazio gaitza baitezpadakoa da”.
Badira urteak, gertatzen diren hondamendi ekologikoa are gehiago handitzea eta injustizia sozialak okertzen ari diren artikuluak irakurriz, ene pantailaren aitzinean asaldatzen naizela. 2016an, tokiko egoeraren aldaketan, eta gauzen mugiarazten parte hartzeko gogoarekin Bizin engaiatu nintzen. Iruditzen zitzaidan eragin nabarmenak izango lituzkeen taldean sartzen nintzela, Hitza Hitz / Alternatives territoriales taldean. Ez nuen deusik ezagutzen, baina buruan sartua nuen herritarren ekintza tokiko agintariekiko, aldaketa palanka nagusia zela. Hori orain, Euskal Elkargoak dituen eskumen guztiekin, are egiago da. Taldeko kideekin eginez ikasi dut.
Kalitatezko janaria eskuratzea demokratizatzeko, eta eskualdeko elikagaien trantsizioan laguntzeko xedea duen kooperatibista eta parte hartzaile den Otsokop mini-merkatuan ere parte hartzen dut. Bizik bere bilakaera babestu du tokian tokiko hainbat alternatiba sortu eta garatzen lagundu duen ber.
Uste dut heldu diren urteetako ibilbidea erabakigarria izanen dela: hemendik aitzina Herriko Etxeak eta Euskal Elkargoa Ipar Euskal Herriko metamorfosi ekologikoan engaia daitezen eta lurralde erresiliente, iraunkor eta solidarioan bizi gaitezen, militanteen mobilizazio azkarra baitezpadakoa dela.
Kanpoko berri: krisitik bizikletaz atera gaitezen!
Bizikleten erabilera % 44 emendatu da Estatu frantsesa deskonfinatu denetik. Alabaina, jendeen arteko distantzia errespetatu behar den garai honetan, ibiltzeko molde horrek gaitzeko abantaila du autoarekin konparatuz: pedalatzen dugularik, besteengandik urrun egoten gara eta hatsa sakonki hartzen dugu! Gainera, Frantziako gobernuak hainbat neurri hartu ditu bizikletaren erabilera sustatzeko: adibidez, 50 euroko txeke bat eskaintzen die beren bigarren eskuko bizikleta konponarazi nahi duten bizilagunei. Horri esker, pertsona anitzek bizikleta erabiltzeko erabakia hartu du. Kirol dendak eta parte hartzeko aukera ematen duten konpontze atelierrak, hala nola Baionako Txirrind’ola, lanez gainezka ibili dira. Hexagonoko elkargoek bizikletendako “koronapistak” ere plantan eman dituzte, zorigaitzez epe mugatu baterako. Ipar Euskal Herrian, pista horiek antolatzen ari dira, baina gehienak ez dira bukatuak. Horregatik, Bizi!-k bizikletariei kontseilatzen die igurikatzea, pista horiek bururatuak izan daitezen, erabili aitzin. BABn bizikletaz eta oinez ibiltzeko behar diren denboren mapa bat argitaratuz, Bizi!-k frogatu du autoa urrun dela oinez ibiltzea edo bizikleta baino eraginkorragoa izatetik. Bi mapa horiek paperez ere aterako dira, laster. Beraz, paperezkoa bigarren argitaraldian eskuragarri izanen da, zuen esperientzien emaitzak barne harturik!
Bisita gidatua: Koordinaketa
Biziren Koordinaketak 40 pertsona biltzen ditu, 20 gizon eta 20 emazte, urtero Biziren Biltzar Nagusian hautatuak dira.
Talde honek elkartearen lana eta bizitza sustatzen eta koordinatzen ditu. Koordinaketako kideen kargua da taldeak elkartearen eta bere partaideen ikuspegi orokorra ukan dezan: lantaldeko erreferenteak (logistika, komunikazioa, euskaraz Bizi-n, ATV, Hitza Hitz …), beste elkarte edo plataforma batzuetan diren Biziren ordezkariak (Euskal moneta, EHLG..), tokiko taldeen ordezkariak (Zuberoa, Hego Lapurdi, Baxenabarre…) edo elkarte bizitzaren ibilerakin lotutako beste eginkizunak (taldekideen erreferentea, prentsa artxibatzeaz arduratzen dena …).
Bi astean behin biltzen da, Biltzar Nagusian erabakitako bide-orria errespetatzen dela ere zaintzen du.
Aurten Bizik berritu behar izan du – COVID 19 dela eta – Biltzar Nagusia bideokonferentzia bidez antolatu da. Arrakasta izan du 80 pertsona baino gehiagok parte hartu baitu BNan eta azken urteko txosten ekonomikoa eta morala onartu dute. Berezitasun ttipi bat izan da aurten, BN hau ondoko lau urteetarako orriaren fitxa zehaztuko duen eztabaida estrategikoaren zikloaren hasiera izan da, Koordinaketaren ezinbesteko Gida.
Egin dugu: “Bizi konfinatua, baina beti motibatua!”
Krisi sanitarioak zonbait egunez eraldatu du mundu eta Estatuen mailako biziaren martxa, eta Ipar Euskal Herria ez da salbuespena izan. Baina, konfinamenduaren lehen egunetatik beretik, Bizik lortu du oldar berri bat hartzeko gaitasuna erakustea eta ekiten eta mobilizatzen jarraitzea.
Hasiera batean Biziren iritzia aurkezten duen testu bat plazaratuz, bizi dugun krisiari dagokionez « Bizi ! eta Koronabirusa ». Testu honi gehitu zaio ere kanpaina berezi bat: konfinamenduan gauzatzeko diren 40 ekintzen aurkezpena. Bakoitzak bere egoitzatik, iniziatiba hori sustatzea posible zuen, Bizik duela ia 2 urte lantzen duen «Euskal Herria Burujabe» lurralde burujabe, jasangarri eta solidario baten proiektuaren filosofian murgilduz.
Maiatzaren lehena ere desafio bat izan da ezohizko baldintzetan mobilizatzeko, baina militanteek lortu dute oldar berri baten hartzea manifestaldi alai eta engaiatu bat antolatuz Iparraldeko leiho eta balkoietan, batzea kausituz, nahiz eta distantziazio garaia izan!
Egutegia
- Ekainaren 22an, astelehenez, 18:00 – 20:00: Trantsizioa lantaldearen bilkura, Bizi!-ren egoitzan, Kordelierren karrikako 22an, Baionan
- Ekainaren 26an, ostiralez 19:00-21:00: Bizi Barnekalde, Biziren tokiko lan taldearen hilabeteko bilkura Donibane Garaziko Tartasenea etxean.
- Uztailaren 2an ostegunez 19:00 – 21:00: Jaka zank Logistika eta antolakuntza lantaldearen bilkura, Bizi!-ren egoitzan, Kordelierren karrikako 20an, Baionan
- Uztailaren 15ean, asteazkenez, 19:00 – 21:00: Kide berriei harrera MRA Fundazioaren egoitzan, Kordelierren karrikako 20an, Baionan.
- Uztailaren 20tik 26ra, astean zehar arratsez eta asteburuan: “Camp Climat” ikastaroa
