«Bizi!n bada energia baikor eta komunikatibo bat, on ainitz egiten duena.»
Nuklearraren kontrako ene lehen manifa, 8 urtetan egin dut, nerabetasunean, amerindiarrek Ama-Lurrarekin zituzten harremanetaz biziki interesatua nintzen eta ekologiaz ari zen aldizkari bati harpidetua nintzen… Ondorioz, naturaltasun osoz Bizi!tik hurbildu naiz, haren sortzean berean. Baina, ene bizi pertsonalak denbora utzi didalarik naiz parte hartzen hasi. Laguntzaile izaitetik militante jarraiki izaiterat pasatu naiz, eta hori frango errex da Bizi!ren baitan. Mugimendu honetan bada energia baikor eta komunikatibo bat on ainitz egiten duena. Batzutan ahalgabe senditzen ahal gira, baina Bizi!n bakotxak badaki zerbait egiten ahal duela. Ene kasuan, ene gaitasunak ekartzen ditut arlo materialean, eta bada zer egin. Bizi! bezalako mugimendu batek behar den bezalako antolakuntza bat behar du ukan, eta kudeaketa untsa segurtatua bada, idealisten artean xitxuketa ez da bereziki modan. Ahal delarik Bizi!ren erakus mahaina animatzen dut. Maite dut egiten duguna presentatzerat eta hortaz elkarrizketan arizaiterat gure ikusterat gogoz eta begirunez etorri diren jendeekin. Trukaketa momento biziki goxo eta aberasgarriak dira. Bizikutzu!ko erredakzio taldeko kide naiz ere. Idazlan ariketa goxo bat. Bizi!rekin kontsumitzaile gisa ene arreta haunditu dut, txirrindula gehiago egiten dut… eta sustut, bankuz aldatu naiz; desmartxa izigarri xinplea da egiteko eta funtsezkoa; geldi gaitezen gosetzen gaituztenak elikatzen.
