2013an sortu zenetik, Eusko uka ezina den arrakastaz lortzen ari da bere helburuak: tokiko ekonomiaren garapena, kontsumo praktikak pertsonak eta ingurumena errespetatzen dituztenak, euskararen baloiestea eta indartzea… Gaur egun 3 000 herritarrek baliatzen dute Euskoa, onartua den 660 enpresa, saltegi eta elkartetan. Zirkulazioan dituen 548 000 euskoek ematen dioten indarrarekin, Euskal Moneta elkarteak diru desmaterializatuaren bere proiektua bultzatzea erabaki du, bi urtez horren egingarritasuna ikertu ondoan. Estatu mailan, Euskoa numeriokora pasatu den lehen tokiko moneta bilakatuko da. Arlo tekniko, informatiko eta juridikoak hein batean trenkatuak badira ere Euskokartaren abiatze kanpainak badu gutietsi behar ez den kostua. Oraino 30 000 euro falta dira kartak eta ordainketa terminalak finantzatzeko. Ondorioz, crowdfundin kanpaina bat abiatu da urtarrilean eta oraino susta daiteke euskokart.org webgunean.
Martxoaren 9tik 18ra EuskoKarabanak Ipar Euskal Herria zeharkatuko du Aldudetik Baionara, behar diren informazioak emanez Euskoa eta Euskokartari buruz, animazioak eta dastatzeak eskainiz bere bidaian zehar. Euskokarabanak bere bidaia Baionan bururatuko du Eusko Eguna izena ukanen duen Euskoaren aldeko festa handiarekin, martxoaren 19an igandearekin.
