Gure arkatzak xorrotx ditzagun, sartzea da… eta ez nolanahikoa! Urte honetan zuzendari berria dugu… eta ez nolanahikoa ! Beraz ez dira arkatzak bakarrik zorroztu beharko direnak, hiztegia ere, gogoetak ere bai, eta borrokatzeko ahalak … beti bortizkeriarik gabekoak, jabal eta duinak egonez, gure agintarien azpi-joko sozial eta gizatasun gabekoen aitzinean. Ez baitugu ametsetan egoten ahalko ikasgelako zokoan, berogailuaren ondoan (zer domaia, negua kasik hor izanik), jostaldietan ere, ez dugu sobera barreatu beharko. Den mendreneko zaintza eskasean, zuzendaria eta bere irakasle talde berri handinahiak gai izanen dira barne-araudia aldatzeko, hau hobea izan dadin soilik gutiziak dituztenen alde, beharrak baizik ez dituztenen kaltetan.
Oct 03 2017
