ATR-Bidekoari Alternatiba taldea Bizi! sortu zenetik hasi zen lanean. Euskal Kostalde-Aturri hirigune ohiaren klima xedearen arabera, garraioak Baiona hiriguneko berotegi efektuko gasen isurketen erdia baino gehiago erran nahi du. Hirietako joan-jinen borroka kulturala beroketa klimatikoaren kontrako elementu nagusi bat da.
Talde garrantzitsu hau izan zen Iparraldeko lehen txirrindiraultzen eta txirrindula azoken abiarazlea, herriko-etxeekin, hiriguneekin, garraio-sindikatuekin eginikako herritar diagnostikoa zen azalpen eta proposamenen lanarena ere, SNCF tren-garraioaren aldeko kanpainarena (CADE eta CGT tren langileekin), Bizi Kleta kanpainarena (Miarritzen, txirrindularen garapenaren alde, Didier Borotra auzapezari bizikleta pollit bat eskainiz), autobus bideen aldeko defentsa ekintzen bultzatzailea, etab.
Bidekoari Alternatiba taldea berriz hasi da 2017ko urtearen hondarrean aktualitate aberats batekin: mugikortasunaren eztabaidak eta legebiltzarrean mugikortasun lege bati buruz egitekotan den proposamena, Iparraldeko mugikortasunaren aldeko hainbat lan sail egituratzaile, Alternatiba 2018, autobusak, oinezkoak eta txirrindulariak bakarrik baimenduak lituzkeen Baionako Sant Izpiritu zubiaren berrirekitzeari buruzko gogoeta, etab. Lan sailak anitzak dira eta taldeak borondate onezko guziei harrera egiten die, zatozte gurekin!
