COParen denboran hor ziren Alternatiba-ko 150 militante pasa jatorri ezberdinetakoak ziren. Horren ondorioz, Parisen ostatu ukaiteko 15 egunez behar zen gune bat atxeman.
Île-Saint-Denis-ko herriak, Pariseko iparraldean, Alternatiba-ren Quartier Génial horren errezebitzeko gimnasio bat eskaini du. Gimnasioaren barnean, oihal haundi eta koloredunen bidez 20/30 oheko ganbara batzu mugatu dira. Horren ondoan, eremu berezi bat erabilia zen 15 egunak markatu dituzten hainbat bilkuren egiteko: ibilmolde bilkura edo mobilizazioen prestatzeko bilkurak. Oihal etxe batzuren bidez babestuak, sukalde beganoa eta egurrezko suarekin antolatua zena, kanpokaldean aurkitzen ahal ziren, bai eta ere komun idorrak. Mezzanine haundi batek lasaitzeko gune bat eskaintzen zuen, sofa eta hamakak lagun, lan egiteko eremu bat eta seinaletika tailerra. Eguneroko bizian egitekoak zirenen antolatzeko, arbela haundi batean bete beharrak agertzen ziren eta bakoitzak bere kabuz bere izena emaiten zuen. Sarzean, harrerak etorri berriak laguntzen zituen eta argibideak emaiten eta gunea bisitarazten gimnasioko beste gelak erabiltzen zituzten bertako biztanleer. Azkenik, Ile-Saint-Denis-ko hainbat biztanlek QG-ko militanteak babesteko sistema bat ere antolatua izan da elkar ezagutza eta trukaketa sustatzeko. QGko bizia: ezohizko esperientzia, bizi militante eta kolektiboaren momento indartsu bat, beste mundu bat posible dela bizitzeko parada…
