Ipar Euskal Herriko kolektibitateek egin metamorfosi ekologikoaren arloko ekintzak biltzen ari da Biziko Hitza Hitz batzordea. Begirale ekologikoek lehen erantzunak argitaratzen dituzte eta herritarrei dei egiten diete ihardesteko, beren Herriko Etxeko hautetsiei herriaren egoeraren berri ematea galdatuz.
2020an 46 zerrendek gehiengoa lortu zuten beren Herriko Etxean Metamorfosi Ekologikoaren Ituna sinatu ondoren! Larrialdi klimatikoaren aitzinean, Hitza Hitz batzordeak 2.000 biztanletik gorako sinatzaile ez diren 10 Herriko Etxeren ekintzen jarraipena egitea ere erabaki du. Kargualdi hasieran Ipar Euskal Herriko metamorfosi ekologikoaren egoerari buruzko lehen txostena argitaratu eta gero, kargualdi erdiko egoerari buruzko pundua prestatzen ari dira orain Begirale ekologikoak Herriko etxeen eta Euskal Elkargoaren aitzinatzeen berri emateko.
Urtarrilaren erdialdean jarraipen-orriak igorriak izan dira tokiko kolektibitateei eta martxoaren 3a baino lehenago erantzunen itzultzea galdatua zen. Bizik mapa interaktibo baten bidez partekatzen ditu orain arte lortu erantzunak. Horri esker, herritarrek beren Herriko Etxearen erantzunari buruz oharrak egiten ahal dituzte, falta diren obratzeak zehazteko edo, alderantziz, metamorfosi ekologikoaren kontrako ekintzak seinalatzeko. Ber maneran, herritarrak gomitatuak dira beren hautetsiak posta elektronikoz kontaktatzea, azken hauek ez badute erantzunik eman. Hain zuzen ere, azken epe bat eman zaie kolektibitateei: martxoaren 31 arte badute, berantenik, Begirale ekologikoek kargualdi erdiko txostena egiteko erabiliko dituzten jarraipen fitxak betetzeko. Lan honek hitzemanararekiko errespetu mailaren berri emanen du eta herritarrei erakutsiko die metamorfosi ekologikoa zertan den.
Herritarrei eta elkarteei deia luzatua zaie martxoaren 31 arteko lurralde mobilizazio fase honetan parte hartzera.
Ene Herriko Etxeak ez du erantzun Begirale Ekologikoen jarraipen lanari (gorriz mapan). Galdekatzen dut mezu elektroniko pertsonalizatu bat bidaliz, martxoaren 31 baino lehenago erantzun dezan:
Ene Herriko Etxeak erantzun bat igorri du eta xehetasunak gehitu nahi dizkiot, ekintza bat nabarmendu nahi dut edo kontraerran bat agerian eman nahi dut:
Ekainaren 5ean, astelehenarekin, Ingurumenaren Egunean argitaratuko da Ipar Euskal Herriko metamorfosi ekologikoaren egoerari buruzko kargualdi erdiko txostena. Karia horretara, “merezimendutsuenak” izanen diren Herriko Etxeeek metamorfosi ekologikoan duten aitzinatze maila adieraziko duten trofeoa eskuratuko dute.
Begirale ekologikoekin bat egiteko eta lurraldearen metamorfosian parte hartzeko, hemen klikatu edo sar zaitez gurekin harremanetan hitzahitz@bizimugi.eu helbide elektronikoan informazio gehiago lortzeko.
