Historia:

• 2026/03/10ean: Angeluko zerrendak, Anglet se pense ici / Hemen Angelu, zehaztapen batzuk ekarri ditu; horien ondorioz, “Heltze erraztasun Adierazpena” eta “Gai Digitala” irizpideak eguneratu dira.

2026ko Herriko bozetako kanpainaren testuinguruan, Ipar Euskal Herrian, Bizi! mugimenduko talde digitalak hautagai zerrenden “digitalari” buruzko jarrerak aztertu ditu.

Azterketa hau ez da ez osoa ezta zientifikoa ere; militante-laguntzaile lanari esker egina da.

Helburua ez da sailkapen bat egitea, baizik eta Digital Arduratsuari loturiko irizpide batzuen arabera jarrerak seinalatzea. Irizpide horiek Institut du Numérique Responsable (INR) erakundeak definitu ditu. Nahiz eta gai hau Herriko bozetako kanpainan oraino bigarren mailakoa izan, garrantzitsua iruditzen zaigu aipatzea, hautetsi bilakatuko direnek beren kargualdia betetzean gai horiekin topo eginen  baitute.

Azterketa identifikatu ahal izan ditugun kanpainarako webguneetan soilik oinarritzen da. Gero eta zerrenda gehiagok sare sozialetan egiten dute kanpaina (bereziki Facebook eta Instagramen). Ez dugu giza eta baliabide tekniko aski eremu hori azterketan sartzeko.

Azterketaren eremua  Euskal Elkargoko 3.500 biztanletik gorako Herriko Etxeetako hautagai zerrendek osatazen dute; orotara 17 hirik.

Metodoa zerrenda hautagaien webguneen eta programa digitalen azterketan oinarritzen da.

Emaitzak irakurgarriago egiteko, azterturiko puntu bakoitzak hiru balio posible ditu: egokia (berdea), sendotzekoa (iranja), ez-egokia (gorria)

Emaitza hauek azterturiko zerrenda guziei ere bidaltzen zaizkie, posta elektroniko bidez identifikagarriak badira, eta Bizi! prest da haiekin trukatzeko.

Hara, azterturiko puntuak eta balorazio irizpideak

• Ostatatzaile: ostatatzailearen nazionalitatea, burujabetza digitalarekin lotua
  • Frantzia, Hego Euskal Herria edo ostatatzaile arduratsua: berdea
  • EB: laranja
  • EBtik kanpo edo zehaztu gabe: gorria

• Karbono aztarna: hasiera-orriaren pisua, soiltasun digitalaren ikuspegitik (http://websitecarbon.com/)
  • A+-etik – B-arte: berdea
  • C-tik – D-arte: iranja
  • E-tik – F-arte: gorria

• DBAO (Datuak Babesteko Araudi Orokorra): datu pertsonalen babesari buruzko betebeharrak
  • Informazioa presente: berdea
  • Informazioa falta: gorria

• Cookieak: pribatutasunaren errespetua, Ghostery nabigatzaile-luzapenaren bidez. Cookie ez teknikoen agerian emaitea identifikatua.
  • Cookierik ez: berdea
  • Cookie teknikoak (audientzia, letra-tipoak, media…): iranja
  • Profilatzeko cookieak (Facebook, Amazon…): gorria

• Sare sozialak: X sarean presentzia. Sare sozialen lehen letraren aitzinean emaitea erabilia. 
  • X-en ez da: berdea
  • X-en da: gorria
    
• Heltze erraztasun adierazpena: digitalaren arloan heltze erraztasunari buruzko araudiaren arabera (nahiz eta kasu honetan ez den baitezpadakoa)
  • Orri dedikatua: berdea
  • Orri dedikaturik ez: gorria
    
• Heltze erraztasunaren mini-audit automatikoa: RGAAren test automatizagarrietan oinarrituriko tresna (http://wave.webaim.org). Hasiera-orriaren analisia. Akats kopuruen aitzinean ematea.
  • 5 aktas baino gutiago: berdea
  • 6 eta 20 arteko akatsak: iranja
  • 20 baino gehiago: gorria

• Euskara: eduki nagusiak euskaraz eskuragarri
  • Eskuragarri: berdea
  • Ez eskuragarri: gorria
    
• Idazkera inklusiboa: genero markarik gabeko edukiak (idazkera epizenoa, puntu erdikoa, formulazio ez-generodunak)
  • Ez-generoduna: berdea
  • Generoduna: gorria
    
• Gai digitala: zerrendaren programan digitalari buruzko aipamena
  • Landua: berdea
  • Aipatua: iranja
  • Ez da: gorria
    

48 zerrenda identifikatu ditugu, eta horietatik 26k kanpainarako webgune propioa sortu dute. Ikusten da, gainera, euskarri digitalen erabilera sare sozialetara mugitzen ari dela.

Zein ondorio puntu bakoitzean (26 zerrendetan)?

• Ostatatzailea: 14 frantses Estatuan, EBn edo Suitzan ostatatuak.
• Karbono aztarna: 14k karbono aztarna ona edo onargarria dute
• DBAO (Datuak Babesteko Araudi Orokorra): 15ek informazio juridikoa aurkezten dute
• Cookieak: 18k cookie ez-intrusiboak erabiltzen dituzte
• Sare sozialak: bakarra da X sarean (batere gomendatzekoa)
• Heltze erraztasun adierazpena: 2k bakarrik aurkezten dute
• Heltze erraztasun mini-audit automatikoa: 15ek emaitza onak edo onargarriak dituzte
• Euskara: 7k webgune elebiduna dute
• Idazkera inklusiboa: 5ek erabiltzen dute
• Gai digitala: 2k bakarrik aipatzen dute gaia bereziki.

Zein ondorio orokor atera daitezke?

• Zerrenden kasik erdiak digital arduratsuaren arau nagusiak errespetatzen ditu (ostatatzea, karbono aztarna, DBAO (Datuak Babesteko Araudi Orokorra), cookieak, Heltze erraztasun auditak).
• X sare soziala pixkanaka baztertzen ari dela dirudi, Facebook eta Instagramen probetxuko.
• Inklusioari loturiko gaietan (heltze erraztasun adierazpena, euskara, idazkera inklusiboa) lan handia bada egiteko, batez ere sentsibilizazioan.
• Gai digitala kasik ez da agertzen zerrenden programetan.
  

Araiz hautetsi bilakatuko direnek kezka hauek beren politika publikoetan txertatuko dituzte, digital arduratsuaren alde.

---

Loturik: emaitzen laburpen-taula

Bizi! mugimenduko Digitala lan-taldea

numerique@bizimugi.eu