Bizi !k galdegiten du auzapeza topatzerat Miarritzen txirrindularentzat beharrezkoak diren antolaketen aipatzeko
Larunbata honetan, goizez, urriaren 29an, Bizi !ko 26 militantek ekintza ikusgarri bat egin dute Miarriatzeko Autoaren Erakustokian. Bertan gaitzetsi dute Miarritzen txirrindularentzat den antolaketa eza.
Sei ekintzalarik, Miarritzeko Halle d’Iraty-ko teilatuetatik zabaldu dute «Aucune piste cyclable à Biarritz ! Vous trouvez ça normal ? Txirrindulari bideak idek!» zion banderola haundi bat, beste batzu auto erakusketa guneko pasabideetan txirrindulaz ibiltzen zirelarik.
Beste militanteek aldiz Erakustokiko bisitariei banatu dituzte eskupaperak. Bertan salatzen zuten Bizi! mugimenduak 2010an BABn gaindi « Txirrindulari buruzko Herritar Diagnostikotik » ateratako proposamen zehatzei buruz elkarrizketarako topaketa proposamenaren printzipioa bera, Bizi!k idatziz hainbat aldiz galdegin zuena, Didier Borotrak, Miarritzeko auzapezak, errefusatzea.
Proposamen horien helburua da Miarritzen gaindi txirrindularen erabilpena garatzea eta segurtatzea, bereziki txirrindularentzat bi norabideko ibilbideak antolatuz hiri gunean (Mazagran karrika, Victor Hugo karrika, Esplanade de la Vierge, Avenue Joffre, Españako karrika, etab.) eta txirrindularientzat Miarritzeko erdigunea Angelurekin lotzerat txirrindularendako egina den ibilbide batekin (av. de l’Impératrice, av. Mac Croskey eta Boulevard de la Mer).
Eric Lecoutre-k, manifestalarien bozeramaileak deitu du jendartea mobilizatzerat datozen hilabeteetan Miarritzeko alkatearekin hitzordu horren ahalbidetzeko « Miarritzen ez da deus egina txirrindularentzat. Miarritzen eremu publikoak behar luke hobeki partekatua izan auto, autobus, oinezko… eta txirrindularien artean, noski ! Lehen emaitza konkretuak lortuak izaiten ahal litaizke 2012ko udaberrian, udako sasoina aintzin, hiri erdian txirrindularentzat bi norabideko ibilbideak antolatuz ».
Bizi ! mugimenduak jakinarazi du Miarritzen egiazko txirrindula politika baten gogoetatzeko eta plantan emaiteko elkarrizketen idekitzea lortu arte horrelako ekintzekin jarraitzeko xedea duela.
Ondoko argazkiak nornahik erabiltzen ahal ditu.
Bizi! mugimendua
Ekintzaren eskuorria : 
Argazki gehiago hemen: [:]
