Larunbata honetan, martxoaren 28an, Bizi!k antolatzen du bisita gidatu berri bat (1), 730 000 biztanle dituen Gipuzkoako probintzian Baionatik 45 minututan. Bisita idekia izanen da Gipuzkoan plantan emanak diren hondarkinen biltzeko eta tratatzeko molde berritzaileak ezagutu nahi dituzten pertsona guziei. Orendain, Berastegi, Usurbil eta Tolosa bezalako herrien esperientzietatik, hots 200 eta 20 000 biztanleko herri ezberdinen esperientziatik  ikasteko parada emanen du.

2011ko urrian, Usurbil eta Hernanin plantan eman den hondarkinen kudeatzeko sistemaren bisitak BABko biztanle delegazio bati parada eman zion zaborraren kudeaketa arloan alternatiba ekologiko eta sozial bat bezala agertzen den eredu baten ikertzerat.

Lehen esperientzia horren ondotik, Bizi! sarean eman du “Hondarkin horeberena, sortzen ez dena da” bideo bat non Zero Zabor filosofia eta praktika agerian uzten diren eta hondarkinei buruzko txosten bat  non hainbat proposamen agertzen diren.

Bisita honen helburua da ikusterat nola egoera aldatu den azken 3 urteetan hondarkinen arloan Gipuzkoan, izan dadin hondarkinen biltzean edo tratamenduan, jakinez bertan praktikan eman dela eskala haundi batean hondarkin organikoen bereiztea biztanleetaz eta haien etxean, horrek ahalbidetu duelarik berziklatze tasen hobetzea.

Bisita hori deneri idekia da, baina aintzinetik izenaren emaitea baitezpadakoa da (2).

Bisitaren helburua da galdera guzien egiteko parada bat eskaintzea, behatze ezberdin eta kontraerrankorrak, baita elkarrizketa eta konparaketak sustazterat Gipuzkoako sistema horien eta Iparraldeko praktiken artean.

Karia horretarat, bereziki gomitatzen ditugu parte hartzerat gurekin egun berezi honetan etxeetako hondarkinen gaiaz arduratzen diren hautetsi eta teknikalariak. Parada ukanen dute topatzerat “Zero Zabor” mugimenduko militanteekin, beren herrian hondarkinen ardura duten hautetsiekin eta hondarkinen tratamenduaz Gipuzkoan ardurak dituen Gipuzkoako Hondakinen Kontsortzioa lehendakaria eta lehendari ordearekin.

(1) Euskaraz eta frantsesez iraganen den bisita gidatuaren programa zehatza:

9:30 :

• Usurbilen, 6000 biztanleko herrian, Potxoenea gelan harrera.
• Hiri gunean edo auzo barreiatuetan hondarkin organikoen biltzearen ezagutza.
• 200 biztanle eta 20 000 biztanle arteko herrietan (Orendain, Berastegi, Usurbil, Tolosa) plantan eman diren esperientzia ezberdinen ezagutza.
• Mekano-Biologiko Tratamenduari buruzko trukaketak GHK edo Gipuzkoako Hondakinen Kontsortzioako: ba ote dira aterabide batzu egokiagoak, haundi nahiagoak beti ere errealistak izanez eta Iparraldean epe laburrean plantan ezartzen ahal direnak.

14:30 :
Bazkaria (15€ petik pertsonaka)

(2) Izen emaitea baitezpadakoa (asteazkena, martxoaren 25a aintzin): auto partekatzeen antolatzeko

• izen emaite gunea erabiliz hemen : bizimugi.eu/eu/talde-tematikoak/kontsumo-zerozabor-taldea
• telefono honetarat 06 84 52 74 35  deituz.

[youtube http://www.youtube.com/watch?v=iT9Nub9XKW4?rel=0&controls=0&showinfo=0]