“Urrats ttipiak, hitzemanetarik eta larrialdiak galdatu heinetik urrun”: Bizik Ipar Euskal Herriko 56 herrik 2020an kargualdia hasi dutenetik egin dituzten ekintza ekologikoen bilan-txostena argitaratzen du. Orain arte ikusi ez den mailako desmartxa da, iritzi publikoa argitzeko xedea duena eta 2026ko hautagaien zerrendetan kontzientzia pizteko helburua duena, herrietako eta elkargoko hauteskundeak sei hilabeteren buruan iraganen direlarik.
Bizik proposatu zuen 2020ko herriko bozetan Metamorfosi ekologikoaren Ituna. Itun honek 7 arlo nagusitan antolaturiko ekintzak biltzen ditu: mugikortasunak, energia, laborantza eta elikadura, hondarkinak,… Itun honen sinatzaile diren hautetsiek ekintza horiek guziak herriko etxe eta elkargo mailan gauzatzeko engaiamendua hartu zuten.
Urrats ttipiak, hitzemanetarik eta larrialdiak galdatu heinetik urrun
Epea betez erantzun duten 46 Herriko etxeen artean, metamorfosiaren batez besteko puntuazioa 0,9/4 da. 2020an Ituna bere osotasunean plantan ematea harturiko engaiamenduetarik urrun, ez da Herriko Etxe bakar bat ere heldu 3. edo 4. fasera. Herriko Etxe aitzinatuena 2. fasera heldu da; 15 Herriko Etxe 1. fasera heldu dira (2 Herriko etxe 2021ean), eta 40 Herriko Etxek 0. fasean segitzen dute, ekintzarik ezaren fasean.
Ekintzen erritmoa eta irismena oraino mugatuak dira, larrialdi ekologikoaren hedadurarekin eta hautesleen aitzinean hartu engaiamenduekin ez datoz bat.
Emaitzak herrika
56 Herriko Etxeetarik bakoitzarentzat egina den dokumento berezian azaltzen dira Metamorfosi Ekologikoaren Ituneko ekintza bakoitzaren puntuazioak. Oharrak ere gehitzen dira, arloka herri bakoitzaren ekintza aipagarrienak zehazteko eta lorturiko emaitzak azaltzeko.
Aitzinatuenak diren bi Herriko Etxeak herriak dira: Baigorri (2,2/4) eta Donibane Garazi (1,7/4) .
Aldiz, finantza eta giza baliabide handiagoak dituzten eta biak Itunaren sinatzaile diren hiriek, hala nola Kanbo (0,2/4) eta Mugerre (0,4/4), geldirik egote deitoragarria erakutsi dute.
Borondate politikoa da batez ere metamorfosi ekologikoan inplikatzeko baldintza nagusia.
Txostena deskubritu
Txosten osoak informazio guziak biltzen ditu: erronka nagusiak eta erronka bakoitzarentzat azterketa zehatzak, 56 herri-fitxak, eta eranskinetan dokumentu baliagarriak (metodologia, notazioen taulak).
16 orrialdeko bilan-sintesia, sarean eskuragarri baina baita paperean ere, emaitza nagusiak ezagutu nahi dituen ororentzat.
Grafikoak eta tresna interaktiboak sarean, norberaren herriko emaitzak ikusteko.
Baliabide guziak sarean dira, https://pacte2026.bizimugi.eu/eu webgunean.
Lagun gaitzazu emaitzen zabaltzen!
Bilan honekin, Bizik espero du tokiko eztabaida demokratikoa argitzea, gure mendeko erronka nagusiari buruz. Herritarrak deitzen ditugu boza ematera “Klimaren eta euskal herriko biztanleen aldeko 2026ko Ituneko” neurriak beren programan txertatu dituzten hautagai-zerrendei, eta 2020-2026 kargualdiko engaiamenduak bete gabe utzi ez dituztenei.
Bilan honek ukanen duen eragina gure zabaltzeko gaitasunaren araberakoa izanen da. Laguntzeko bide frango badira, eta esku ukaldi bakoitzak bere garrantzia badu.
Merkatuetan eta saltokietan eskuorriak banatzea, afixen kolatzea, banderolen plantan ematea, bilkura publikoen antolatzea, tailer logistikoak, emaitza bat egin zabaltze masiboa sustengatzeko…
Erraiguzu gustian nola laguntzen ahal gaituzun!