Joan den hilabetean, Donibane Lohizuneko auzapez eta Mugikortasun Sindikatuko presidente den Jean-François Irigoyenek autobus geltokira doazen 2 autobus bide berezi plantan eman ditu, horietako bat autoen erabilpena ttipitzeko eta garraio kolektiboena handitzeko  aparkaleku bati lotua delarik. Esperimentu honek antolaketa horiek entseatu nahi ditu garraio publikoko trafikoa arintzeko eta erabiltzaile gehiago bultzatzeko garraio kolektiboa lehenestera autoarekiko.

Bizik begi onez ikusten du norabide berri hau. Foch-eko aparkalekuan ez bezala, erabiltzaileak “ibilgailuak hiri inguruetan utzi eta erdiguneetara sartzeko molde egokiago bat hartzera bultzatzen” dituen Mugikortasun Planaren xedearekin bat egiten du. Plan honekin antolaketa hauek koherenteak dira eta gure aitzinean ditugun klima eta osagarriaren desafioari erantzuten diote. 

Beraz, atsekabeturik jakin dugu Passicot Komandantearen Hiribidearen inguruko atzerakada eta bertan zen autobusendako bide bereziaren kentzea. Autobusen joan-etorrien iraupena argiki hobetu baldin bada ere, Bizik deitoratu du Herriko Etxeak eta Mugikortasun Sindikatuak esperimentua luzatzeko ausardia ez izatea. Mugikortasunari dagokionez, “ezin da deus egin gabe egon” dion oharrarekin bat egiten dugu.

Gaur egun,  hiriko espazio publikoaren % 50 etik % 80era  autoentzat antolatua delako, dena autoz egitearen ohitura oraino bizia da. Larrialdi ekologikoak eta airearen kutsadurari lotuak diren osagarri erronkek espazio publikoaren partekatze zuzenagoa galdatzen  dute kutsadura gutiago sortzen duten mugikortasun ezti eta integratzaileagoak konduan hartuz.