Beskoitzen kokaturiko Leku Eder etxea, ELAren sortzaileetarikoa eta Estatu kolpe frankistaren ondorioz Iparraldera erbesteratu zen Manu Robles Arangizen familiaren etxea izan da. Historiaz betea, harrera eta erresistentzia lekua izan zen Bigarren Mundu Gerlan, orduan pertsonalitate franko zebiltzan ostatu gunea izan zen eta euskal mundu artistiko eta kulturaleko hainbat pertsonalitateren handitzea ikusi zuen.

Beren etxea noizbait merkatu espekulatiboan bukatzeko arriskuarekin ikustea errefusatuz, eta etxeak interes orokorraren eta Euskal Herri libreago eta solidarioago baten eraikuntzaren zerbitzuko xedearekin, Manu Robles Arangizen oinordekoek 2024an etxe oinordetzan utzi zuten.

Etxe hau, berritze lan handietarik landa, Baionatik hurbil den bilkura eta formakuntza zentro iraunkor bilakatuko da. Beraz, militanteen eta elkarteen formakuntza eta transmisio, baita gogoeta eta ikerketa gune estrategikoa ere bilakatuko da.

Logelak, sukalde eta garbigela eta komun kolektiboak, bulegoak eta bilkura gelak dituen zentro honek eguneko lan-saioetarako edo epe luzeagoetarako taldeak errezebitzen ahalko ditu eta espazio logistikoak ere eskainiko (materialak plantan eman, bildu, artxibatu).