Gero eta biztanle gehiagori Euskal Herrian modu duinean bizitzea ezinezkoa zaio. Urgentziazko egoera horren aitzinean Bizik « Vivre et se loger au Pays ! Espekulazioari ez! » kolektiboaren deiarekin bat egiten du Azaroaren 20ko larunbateko manifestaldi handirako Baionan.

Azken urte hauetan, Ipar Euskal Herrian bizitegi eskasiaren krisia etengabe areagotu da. Horren arrazoiak ontsa identifikatuak dira: lur saileko espekulazioa, bigarren etxebizitzen kopuru neurrigabea, urte osoko alokatzeak etxebizitza mublatu turistiko bilakatzea kontrolez kanpo, bizitegi sozialen eskas kezkagarria…Osagai horiek guziak dira urte osoko alokatzeen murriztearen arrazoiak, baita etxeen salerospen saileko prezioen gorakadarenak ere, prezio horiek lurralde huntako biztanleen egiazko etekinetatik osoki deskonektatuak direlarik. Egoera zentzugabea, sortzen duen arazo sozialaz kanpo gure ingurumenarentzat kaltegarria, lur artifizializazio beti gehiago ekartzen duena eta hazkurri saileko burujabetasuna urruntzen diguna.     

Etxebizitza: erronka klimatikoa

Bizi! elkartearentzat, Euskal Herriko biztanle guzientzat bizitegi eskuragarri baten aldarrikapenak urgentzia ekologikoa eta klimatikoa kontuan hartu behar ditu. Horra zergatik mugimendu ekologistak bizilekuen gaiari buruzko lan taldea sortu duen. “Bidaien emendatzetik lurren artifizializazioraino, kutsadura desberdinetarik, berotegi-efektuko gasen isurketatik eta energia kontsumotik pasatuz, etxebizitzaren arazoari loturiko erronka ekologikoak anitzak dira” Bizi elkarteko bozeramailea den Dominika Durrutyrentzat. Erronka horien parean, lurraldeko biztanleei beren lan-lekuetatik hurbil bizitzeko aukera eman behar diegu, lurra bizirik atxiki eta bizilekuaren inpaktu ekologikoak bizi-ziklo osoan murriztu behar ditugu, hala nola eraikuntzan, erabileran eta desegitean.

100en deialdia eta funtsezko proposamenak

“Herrian bizi eta aloitu! Espekulazioari ez!” lelopean bildu 100 pertsonalitatek – Ipar Euskal Herriko artistak, kirolariak, laborariak, sindikalistak edo gizarte zibileko kideak barne – arazo horri buru egiteko aldarrikapenak adierazi dituzte: botere publikoek higiezinen eta lurren merkatua arautzea, bigarren etxebizitzen kopurua mugatzea eta efektu eragozgarriak dituzten zerga neurriak ezartzea, lurren eta etxebizitzen menperatze publiko edo kolektiboa…

Mobiliza gaitezen, azaroaren 20an, larunbatarekin, hautetsiei eskatzeko etxebizitza-politika anbiziotsua plantan eman dezaten, Euskal Herrian bizi, eta lan egin, nahi dutenentzat.

Hitzordua azaroaren 20an, larunbatarekin, arratsaldeko 3etan, Baionako San Andres plazan!