Bere lokal berrian sartu eta urtebetera, Konpon Txoko birziklategia oldar berria hartzen ari da. Konponketan lagunduz, batzuei salduz beste batzuentzat balio ez zuten bigarren eskuko gauzak, alternatiba horrek alimaleko ahalmena badu hondakinak murrizteko eta produktu berri gutiago erosteko. Bizik kanpaina bat abiatu du Konpon Txokoren alde, honen aktibitateen garapenean hozka bat gainditzen laguntzeko!
2019an sortua, ontsa moldatuz, Konpon Txoko birziklategia 2023ko martxoan plantatu zen bere lehen lokal iraunkorrean, Baionako Pontots karrikako 15ean, Forum eremuan.
Gaur egun leku horretan aurki daitezke:
- asteartetik larunbatera irekia den birziklategia, non merke erosten ahal diren bigarren eskuko gauzak egoera onean: etxetresna elektriko ttipiak, jantziak, liburuak, diskoak, baxerak, dekorazioa…
- konpontzen laguntzeko tailerrak asteazken eta larunbatetan
- edari bero eta freskoak eskaintzen dituen elkarte-ostatua
Konpon Txoko tresna bat da ekonomia lineal batetik “gehiago ekoitzi, gehiago kontsumitu, gehiago botatu” ekonomia zirkular batera pasatzeko, xuhurra baliabide eta energian eta berotegi efektuko gasen emisioetan ttipia.
Gutiago botatzeko aukera emanez, Konpon Txoko hondakintegiaren alternatiba da, bai konpongarriak diren gauzei dagokienez, bai beharrezkoak ez diren gauzei dagokienez.
Gutiago erosteko aukera emanez, batez ere produktu berriak. Konpontzen laguntzeko tailerrekin bakoitzak bere objektuak konpondu eta luzaroago atxiki ditzake. Birziklategiari esker bigarren eskuko gauzak merke eros daitezke egoera onean.
Zehazki erakutsiz ekologia ez dela zigortzailea, ez dela luxu bat ahalak dituztenentzat. Konpon Txokorekin, aldiz, ekologia guziendako baliagarria da, zentzuz betea (xahutzeari eta nolanahika botatzeari utziz), eta denontzat ahal bezainbat prezio onean.
Azken batean, Konpon Txoko konpontze eta berrerabiltze lagunarteko leku bat izan liteke. Eboluzio ildo anitz tiraderetan daude: produktu mota gehiago onartzea biltegietan eta, beraz, aniztasun handiagoa saltzea ere, bigarren eskuko materiala proposatzea profesionalentzat (enpresak, tokiko elkargoak), sail berriak garatzea eta egitura sare baten osatzen laguntzea, etab. Baina horraino heltzeko lanarik lotu beharko gira, denak elkarrekin!
Ondorioz, Bizik erabaki du Konpon Txokori laguntza aktiboa ematea datozen hilabeteetan. Erregularki emanen ditugu birziklategiaren berriak eta honen aitzinamenduak. Gure esperientzia ekarriko dugu taldeak antolatzeko arloan edo laguntzaileak mobilizatzeko arloan, eta gure joka-molde eraginkorra, zorrotza eta lagunartekoa. Gure ekosistemako egiturekin sinergiak sortzen lagunduko dugu, elkarrekin Euskal Herri jasangarri, burujabe eta solidario baterantz joaiteko.
Alternatiba hau kausituko dugu gu guzien egitekoa bihurtzen bada, gure tresna eta itxaropena. Bakoitza has daiteke parte hartzen:
Lekua ezagutuz, Pontots karrikan, Baionako Forum eremuan. Kidetzea prezio librean da. Informazio praktiko guziak Konpon Txokoko facebook orrian daude.
Bakoitzak bere inguruan aipatuz. Har dezagun Konpon Txokori pentstazeko funtsa: konponketa baten beharra, objektu baten beharra, goazen Konpon Txokora!
- Gehiago jakiteko edo laguntzeko gogoa? Hitzordua azaroaren 22an, ostiralarekin, 19:00etan, Konpon Txokon, laguntzaileen aurkezpen eta hurrupaldi baten karietara!
