«Sekula ez pentsa norbanako kontziente eta engaiatuek mundua alda ezin dutenik. Halaxe gertatu izan baita beti.» Margaret Mead

EDITORIALA

Krisi klimatikoaren gaia gero eta jende gehiagori kezkagarri iduritzen zaion bitartean («Mendeko afera» petizionearen arrakasta, klimaren aldeko eskola greba mugimendua…), gobernuak dio bere klima politikaren ildoa ez duela aldatuko… Macronen gobernuak Pariseko Hitzarmena bertan behera uzten badu, orduan Macron da bertan behera utzi behar, hain zuzen Bizi eta ANV-COP21-ek egin dutena, presidentearen potretak 4 herriko etxetatik kenduz, toki guzietan gauza bera egitea deituz.

Migranteen krisiaren aldetik ere, herritarrek gobernua eta hainbat administrazioek baino ardura eta gizatasun askoz gehiago adierazten dute, Euskal Herrian ikus daitekeen bezala. Zenbat familik egin diote harrera etorkin adingabe bati? Zenbat sartu dira laguntzaile gisa Diakite, Etorkinekin, Bestearekin, Bizi elkarteetan…? Hainbat «norbanako kontziente eta engaiatu», bestelako hauturik ez dutena ikusten, mundua aldatzearena baino…

 

Potreta: Maia – 31 urte -Baiona

Bizik gure ohiturak aldarazten dizkigu. Norberaren buruari galderak pausarazten dizkio, ez bortxaz besteengan kritikoa izanez.

Bizi ezagutu nuen 2013an, Euskal Monetan lanean ari nintzela. Garaian puntualki parte hartzen nuen, ekintza batzuetan, artetan ere traktak banatuz. Duela bi urte sartu nintzen zinez Koordinaketan eta Komunikazio lan taldean, Bizin sartu nintzen aldaketa klimatikoaren aurkako borroka konkretuki eramaiten delako. Bestalde, Bizik tokiko arazoei erantzuten die, baita arazo globalago batzueri ere. Bizik gure ohiturak aldarazten dizkigu. Norberaren buruari galderak pausarazten dizkio, ez bortxaz besteengan kritikoa izanez. Elkartearen funtzionamenduak ere erakarri ninduen. Bilkurak nola eramanak diren, gai-zerrendak nola eginak diren… Antolakuntza horrek gauzak fiteago eta hobeago aitzinatzea permititzen du. Beste elkarte batzuetan izanik, iduritzen zitzaidan sistema hori aski berritzailea zela. Bizin, beti gauza berriak ikasten direla. Komunikazio taldean izanki, formakuntzak izan ditut argazkilaritzan, bideogintzan… Beti urririk. Bikaina da! Gero, egin ahala ere ikasten dugu. Errango nuke euskararen lekua ez dela oraino aski handia Bizin. Normala da nunbait, denek ez baitakite. Idatzian untsa gira, bainan ahozkoan, bilkuretan indar gehiago egin beharko litzateke. Bainan hala ere, iduritzen zait ahaleginak eginak izan direla azken bi urteotan, komunikazio arloan adibidez. Artikulu asko bi hizkuntzetan dira eta saiatzen gira beti mezuak elebidunez pasatzea sare sozialetan.

KANPOKO BERRI: Martxoaren 15ean, gazteria kalean bere etorkizunarentzat!

Greta Thunberg, 16 urteko Suediar militanteak 2018. urte bukaeran abiaturiko eskola greba bat darama, Suediako Parlamentuaren aitzinean, ostiral guziz. Bakarrik hasi zen, geroztik hainbat herrialdetako gazteek errepikatu dutena. Bere ekintza birala bihurtu da: Australian, Estatu Batuetan, Europan.

Nerabea joan den abenduan egon zen Antonio Guterres Nazio Batuen idazkariarekin, Polonian, COP24 klimaren aldeko mundu konferentziaren irekieran. Ez du ulertzen zergatik beroketa klimatikoa ez den egiazki konduan hartua, hau da «gizadiak sekulan aurre egin behar izan duen krisirik handiena» bezala. Adierazpen indartsuak: «Gure liderrak haurrak bezala portatzen baitira, beraiek aspaldi berengain hartu behar zuten ardura hartzera bortxatuak gira». «Gure ahotsa entzunarazi behar dugu eta haserretu behar gira, gero haserre hori ekintza bilaka dadin»

Iparraldeko lizeotarrak mobilizatzen dira. Klimaren aldeko nazioarteko gazte mugimenduari juntatzera deitzen dute: «Zergatik ikasketak egiten jarraitu, berdin iraganen ez den gero batentzat, jakinez, nehork ez duela deus egiten haren salbatzeko?… zion Greta Thunberg-ek! Geldirik egoetak humanitatearen bukaeraruntz garamatza, ekin dezagun elkarrekin orain, bihar bizitzeko. Gure geroa defenda dezagun eta gure buruzagiei mezu indartsu baten igortzeko junta gaiten numbrian mugimenduari.Greta Thunberg-ek igorri desafioa altxa dezagun, eta antola dezagun gertakari bat eskala handian gure lurraldean, ostirala honentzat, martxoaren 15erako».

Euskal kolektiboa jarraitzeko: www.facebook.com/fridaysforfuturepaysbasque

https://www.instagram.com/fridaysforfuture.paysbasque/

Bizi!n bisita gidatua: Etorkinekin Elkartasuna

Bizi!ren Etorkinekin Elkartasuna lan taldea sortu da 2018ko udaberrian egin ezagutze batetik: etorkinen gaia lotua da aldaketa klimatikoari eta horren ondorioetarik bat da. Lan taldea sortu da jadanik etorkinen inguruan martxan diren sareen indartzeko eta ez beste kolektibo batzuren ordezkatzeko. Bere helburu nagusia da gai horri ikusgarritasun baten emaitea, duintasun gabeko politikak gaitzetsiz eta iritzi publikoa etorkinei buruz begikotasunez arizaiten animatzea. Ber maneran helburua da gogoeta lan bat plantan emaitea tokiko egoerari buruz eta aurre ikustea gaur egun marrazten den panoramaren aldaketa.

Hainbat ekintza jadanik gauzatuak izan dira (etorkinekin elkartasuneko martxa, Foroa, zine-eztabaida Cédric Herrou Roya araneko militantearekin…). Joan den urtarrilaren 7an, Isard Cos-en egoitzen okupatze ekintza bat burutua izan da 64 Departamenduak daraman adingabeen ebaluazio politika gaitzesteko. Etorkinekin elkartasuna lan taldeak geroan ikusten dituen hitzordu garrantzitsuak noski epe politiko ezberdinak dira (maiatzaren 5ean: Europa mailako ekintza bat, 2019ko maiatzaren 26an: Europako hauteskundeak, 2019ko agorrilaren 25etik 27ra: Biarritzen G7aren gailurra, 2020eko martxoa: herriko etxeetako hauteskundeak) baina ere zehazkiago 2019ko ekainaren 20a non agertuko den Europarako bide eta itsasoetan hiltzen diren etorkinen kondaketa zerrendaren urteko gaur eguntzea,

Egin dugu! Jurassic Plastik-en garaia buka dadila!

Joan den otsaila hasieran, Bizi!ren 21 militante elkarretaratu dira Angeluko Leclerc hipermerkatuan, bertan gain estalki soberakinen gaitzesteko. Beren ekintzan, hazkurri industriak eta saltegi handiek inposatzen dituzten plastiko eta geihegizko gainestalkiak errefusatu dituzte. Saltegiko bezeroen begirada irribarretsuaren aitzinean, ekintzalariek jateko salgaiak ontzi eta zaku berrerabilgarrietan ezarri dituzte. «105 produktu erosiak = orgatxo 1 hondarkin» irakurtzen ahal zen orgatxoa dendan berean utzia izan da legeak aurre ikusten dituen kesen ateratzeetarik landa agerian izan behar diren biltzeko ontziak ezin atxeman ondoren.

Frantses Estatuan urtero 458 kg etxe hondarkin sortzen dira biztanleka eta haietarik %32 gainestalkiak dira! Erabilpen bakarrekoak dira, ehunka urte behar dituzte desegiteko eta kutsadura inportante batzuren iturriak dira. Eta beren desegitetik sortzen diren mikro-partikulei dagokionez, ez dira sekulan desagertzen.

Ekintza honek gomitatzen ditu kontsumitzaileak beren eragin indarra erabiltzera supermerkatuen eta haien hornitzaileen gan, gainestalki ekoizpena ttipi dezaten. Sistema alda dezagun, eta ez klima!

Martxoko eta apirileko egutegia

• Ostegunean, martxoaren 7an 20:00 – 22:00 “Ahalduntze feminista, borrokaren ondorioa” Hitzaldia MRA Fundazioaren egoitzan, 20 Cordeliers karrikan, Baionan
• Larunbatean, martxoaren 9an, 14:0-17:00: Hitza-Hitz&Lurralde, Hirigune, Herriko Etxe mailako Alternatibak, MRA Fundazioan.
• Ostiralean, martxoaren 13an, 15:30-17:30: Bizi!ren 10 urteei buruzko bilkura, MRA Fundazioan.
• Ostegunean, martxoaren 14an 19:00-21:00: Bizi!ren Etorkinekin Elkartasuna lan taldearen bilkura, MRA Fundazioan
• Ostegunean, martxoaren 14an 19:00: Jaka zank taldearen bilkura.
• Larunbatean, martxoaren 16an: Klimaren aldeko martxa, Baiona, Angelu, Biarritzen
• Astelehenean, martxoaren 18an 19:00 – 20:30: Euskaraz Bizi!n lan taldearen bilkura Bizi!ren egoitzan, 22 Cordeliers karrikan, Baionan.
• Asteazkenean, martxoaren 20an, 17:45 – 19:45: Kontsumo-ZeroZabor lan taldearen bilkura, Bizi!ren egoitzan, 22 Cordeliers karrikan, Baionan.
• Asteazkenean, martxoaren 20an 19:00 – 21:00: Kide berriei harrera, MRA Fundazioaren egoitzan.
• Astelehenean, martxoaren 25ean 19:00 – 21:00: Bizi! Barnekalde-ren bilkura, Tartasenia Etxe ekologikoan, Donibane Garazin.
• Asteazkenean, apirilaren 3an 19:00 – 20:30: Bizi!ren Hilabeteko Bilkura idekia, MRA Fundazioan.
• Ostegunean, apirilaren 11n 19:00etan: Jaka zank taldearen bilkura
• Asteazkenean, apirilaren 17an 17:45 – 19:45: Kontsumo-ZeroZabor lan taldearen bilkura, Bizi!ren egoitzan, 22 Cordeliers karrikan, Baionan.
• Asteazkenean, apirilaren 17an 19:00 – 21:00: Kide berriei harrera, MRA Fundazioaren egoitzan.
• Asteazkenean, maiatzaren lehenean: Desfile alai eta aldarrikatzailea.