{"id":42209,"date":"2023-01-02T19:36:00","date_gmt":"2023-01-02T18:36:00","guid":{"rendered":"https:\/\/bizimugi.eu\/?p=42209"},"modified":"2023-01-02T21:16:32","modified_gmt":"2023-01-02T20:16:32","slug":"bizikutzu-44-2023ko-urtarrila","status":"publish","type":"post","link":"https:\/\/bizimugi.eu\/eu\/bizikutzu-44-2023ko-urtarrila\/","title":{"rendered":"Bizikutzu 44 – 2023ko urtarrila"},"content":{"rendered":"\n

Lehenik ez zaituztete kontuan hartzen, gero trufatzen zaizkizue, ondotik gudukatzen zaituztete eta azkenean zuek duzue irabazten. <\/em><\/p>\n\n\n\n

Gandhik\nerran omen zuena \n<\/p>\n\n\n\n

Editoriala<\/strong><\/p>\n\n\n\n

Gandhik erran izana ala ez, formula maleziatsu horrek Bizi!-ren gisako mugimenduen gisa anitzetako bizitzak ongi laburbiltzen ditu. Eta gaur egun militante altermundialisten kontrako borroka etortzen ikusten dugu argiki. Lege errepresibo selektiboen onartzeak borondate politiko hori erakusten du. Horietan erresalburik gabe aplikatua den Separatismoaren legea, edo landare transgenikoen moztea delitu bilakatzea. Hitzak berak erasokor bihurtzen dira, militante baketsuak terroristatzat jotzen dituztenean. Larderia horiei eta larrialdi ekologikoei eman behar zaien erantzun bakarra borroka kolektiboan dago. Eta honek azkenean irabaziko du! Alda-ren hauteskunde emaitzak dira horren erakusle argiak.
Bizi!-k bere kidetze kanpaina berria abiatua du berrikitan, gurekin bat egiteko tenorea da zuretzat. Gure energia zu zara.<\/p>\n\n\n\n

Potreta<\/strong>; Elise, 38 urte, Itsasu<\/strong><\/p>\n\n\n\n

\nBizi!-n gustatzen zaidana da\nzorroztasuna eta antolaketa. Eta bizitza pertsonalean, Bizi!-k\nadiskide oso onak ekarri dizkit.<\/em><\/p>\n\n\n\n

\"\"<\/figure>\n\n\n\n

\nElise\ndut izena, 38 urte ditut eta Itsasun bizi naiz. Yvelineskoa\nnaiz. Ikasle elkarteetako kide izan naiz gai ekologiko eta sozialei\nburuz, baita publizitatearen\nkontrako borrokan\nere. Desberdintasunen\ngaiak betidanik anitz hunkitu nau, eta Naomi Kleinen “No Logo”\nliburua kolpe handia izan zen enetzat. Kontzientzia\nhartu nuen hapitalismoaz eta haren baitan publizitateak duen rol\ngarrantzitsuaz. Bizi!\n2013ko martxotik ezagutzen dut. Munduko Foro Sozialean izan nintzen\nTunisian eta Bizi!-ko talde bat ezagutu nuen han, Alternatiba herria\niragartzen zuena. COP21ean, Alternatiben Herria koordinatu nuen\nbereziki. 2019ko urrian Baionara heldu nintzen. Bizi!-n talde berri\nbat zegoen, ezagutzen nituen gehienak ez ziren gehiago hain\ninbestituak edo Euskal Herritik joanak ziren, beraz, horrek eskatu\nzigun elkar ezagutzen ikastea. Berehala oso harrera ona izan nuen eta\nEtorkiZUna<\/em>\ntaldean sartzeko gomita egin zidaten. Emeki-emeki, Ekintz<\/em>a<\/em>\ntaldera joatera gomitatu ninduten, eta zenbait hilabete hauetan\nKoordinaketaren baitan EtorkiZUna<\/em>\ntaldearen erreferentea naiz. Eta Anthony eta biok publizitatearen\naurkako taldea sustatzen dugu ere. Bizi!-n gustatzen zaidana da\nzorroztasuna eta antolaketa. Eta bizitza pertsonalean, Bizi!-k\nadiskide oso onak ekarri dizkit.<\/p>\n\n\n\n

Kanpoko berri: Aldaren borroka alokairu apaleko bizitokien (<\/strong>HLM<\/strong><\/em>) hauteskundeetan<\/strong><\/p>\n\n\n\n

Alda elkarteak bi garaipen handi lortu ditu alokairu apaleko bizitokietako alokatzaileen hauteskundeetan, lehen aldiz bertan aurkezten zenean. Kanpaina suhar baten emaitza da, non biztanleengana joan baita programa landuarekin. Alda izan da Euskal Herriko alokatzaileen defentsarako elkarte bozkatuena Habitat Sud Atlantic<\/em> egituran, bozen % 52,76 bilduz (HSA<\/em> Ipar Euskal Herriko alokatzaile sozial nagusia da). Hiru aulki lortu ditu, lehen tokian iritsiz CLVC-CDL eta AFOC egituren aitzinean, horietarik bakoitzak aulki bana lorturik.. Are gehiago, Aldak ezustekoa sortu du Office 64<\/em> egituran ere lehen tokia lortuz (Office 64 <\/em>departamentu osoan dagoen alokatzaile soziala da). Aldak bertan bali diren bozen % 39,14 lortu ditu, zortzi zerrendako bozketan. Emaitza bikain hauek Aldaren zilegitasuna indartzen dute etxebizitza krisiaren aurkako borrokan eta langileen auzoaldeetako biztanleen defentsan. Baina borroka ez da irabazia… eta batzuek ez dute beldurrik prozesu demokratikoak zangopilatzeko. Hauteskundeen ondotik, Habitat Sud Atlantic<\/em>-eko administrazio kontseiluko 25 kideek bozkatu behar zuten alokairu apaleko bizitokietako alokatzaileen ordezkariak berritzeko, batzorde ezberdinetan. Baina hautetsiek Aldako bi ordezkariei sarbidea oztopatu diete aurkeztu diren batzordeetan. Bozen % 16,47 baizik ez dituen erakunde baten ordezkaria 3 batzorde ezberdinetan bakarrik jartzea nahiago dute! Horrelako demokraziaren ukapenaren parean, segur da Alda ez dela horretan geldituko…<\/p>\n\n\n\n

\"\"<\/figure>\n\n\n\n

Bisita\ngidatua: Euskal Herri-Aturri Publizitatea Geldi<\/em> kolektiboa<\/strong><\/p>\n\n\n\n

Pertsonen\nesplotazioa eta baliabide naturalen ustiatzea, kutsadura, hondakinak,\nbehar gabeko xahutzeak, manipulazioa… Hori da iragarkien distiraren\ngibelean kukutzen dena. Kapitalismoaren zerbitzuko den publizitate\nsistemak ardura handia du klima aldaketan.<\/p>\n\n\n\n

Ikusmenaren\nkutsaduraren iturria da, bazterrak funditzen ditu eta leku publikoak\nkontsumitzeko gune bilakatzen.
\nHalaber, publizitatea\nenergia-jale handia da. Urtean, 2m2<\/sup>-ko\npublizitate-pantaila digital batek, batez beste, familia ertain batek\nbezainbat kontsumitzen du!<\/p>\n\n\n\n

2019az\ngeroz, Euskal Herri-Aturri Publizitatea Geldi kolektiboaren barnean,\nBizi! mobilizatzen da CADE, R\u00e9sistance\n\u00e0 l\u2019Agression Publicitaire<\/em>\neta\nPaysages\nde France<\/em>\nelkarteekin. Helburua da arazo honen inguruan\nsentsibilizatzea, publizitatea eta bere eraginak mugatzea eta\nerabakitzaile politikoei fermuki galdatzea bideo iragarki-pantailak\ndebeka ditzaten.<\/p>\n\n\n\n

\"\"<\/figure>\n\n\n\n

BABen\nhiriko jende-kontzentrazioak eta masa turismoak gure lurraldea jomuga\nbihurtzen dute iragarki etxeentzat.
\nEgungo\nenergia-testuinguruan, garatzen ari den elkargoko Herrien arteko\nTokiko Publizitate Arautegia (RLPI) aukera bat da biztanleentzat\nberen bizi inguruneari buruzko iritzia emaiteko.<\/p>\n\n\n\n

\nBerrikitan,\nBizi!-ko ekintzaileek 6m2<\/sup>-ko publizitate-panel digitala\nestali dute energia-xahutze ikaragarri horren salatzeko.
\nZuk ere\neskaera hau sustengatzen ahal duzu Euskal Elkargoak ezarritako gune\ndedikatuaren bidez (rlpi-paysbasque)\neta bat egin Bizi!-ko pub<\/em>lizitate<\/em>a geldi<\/em>\ntaldean!<\/p>\n\n\n\n

Egin dugu: Hautetsiei zuzendutako heziketa ziklo bat<\/strong><\/p>\n\n\n\n

2020an, Bizik herriko hauteskundeetarako hautagaiei proposatu die Metamorfosi Ekologikoaren Itun baten inguruan engaiatzea, Ipar Euskal Herria lurralde erresiliente bilakatzeko asmo handiko proiektua baita. Desafio horrek politika publiko bereziki boluntaristak behar ditu, bai herri mailan, bai elkargo mailan, eta beraz hautetsiek jakintzak bildu behar dituzte, eremu konplexu anitzetan. Horretaz oharturik, Bizik formakuntza-ziklo bat programatua zuen agintaldiaren hastapenean berean, Ituna izenpetu zuten taldeak beren engaiamenduak gauzatzeko hobeki prestatuak izan zitezen. 7 formakuntza-egun, Bizi, Bihar (Ipar Euskal Herriko Formakuntza Erakundea) eta CEDIS hautetsien formakuntza-zentroak elkarrekin eramanak. Pandemiaren ondorioz, azkenean, 2022ko irailean hasi ahal izan zen heziketa-zikloa. Aditu batzuek (beste lurralde batzuetan ekintza berritzaileetan engaiatuak diren trebatzaile eta\/edo lekukoak) eta tokiko eragileek zituzten jardunaldi horiek animatzen. Zoritxarrez, jende gutxiegi joan zen haien segitzera, gehienak jada sentsibilizatuak eta lanaren zailtasunaren eta tresna faltaren lekuko izan zirenak. Txalo pertsona motibatu horiei, eta espero dezagun besteak ohartuko direla Bizik etorkizunean proposatuko dituen formakuntzetan parte hartzeko interesaz.<\/p>\n\n\n\n

\"\"<\/figure>\n\n\n\n

Egutegia<\/strong><\/p>\n\n\n\n