{"id":40045,"date":"2022-03-02T10:30:00","date_gmt":"2022-03-02T09:30:00","guid":{"rendered":"https:\/\/bizimugi.eu\/?p=40045"},"modified":"2022-03-02T16:36:38","modified_gmt":"2022-03-02T15:36:38","slug":"bizikutzu-39-2022ko-martxoa","status":"publish","type":"post","link":"https:\/\/bizimugi.eu\/eu\/bizikutzu-39-2022ko-martxoa\/","title":{"rendered":"Bizikutzu 39 – 2022ko martxoa"},"content":{"rendered":"\n

\u00ab Ez da astirik galtzeko, ta aitzakirik atxemaiteko\u00bb<\/em><\/p>\n\n\n\n

\nAnt\u00f3nio\nGuterres \u2013NBEko Idazkari Nagusia \n<\/p>\n\n\n\n

\nEditoriala<\/strong><\/p>\n\n\n\n

Globkal. Hona asmatu den beste hitz berri bat, erran nahiak definitzekoak dituena, baina laburbilduz engaiamendu bikoitz batekin definitzen ahal einukeena: tokiko mailakoa, eta hortik harat, Estatu eta nazioarte mailakoa. Globala eta lokala, beraz… Ideia hori gure egiten dugu, Bizin, eta bereziki Estatu mailan, presidente eta diputatu bozak hurbiltzen ari direlarik.Garai berean ere Estatu Frantsesak Europar Batasunaren lehendakaritza hartzen du. Delako \u00ab There is no alternatie \u00bb famatua alde guzietarik ateratzen digute, nuklearrarentzat (Europar Batasunak energia berde gisa sailkatuz), neonikotinoideak berriz erabiltzearentzat edo AHTarentza… Klima, tokiko, Estatu edo Europa mailako eztabaida politikoen erdian ezartzeko momentua da, molde globkalean, beraz! Martxoaren 12ko martxa, horren etapa garrantzitsu bat izanen da. Eskala guzietan, gure botzaren entzunarazteko garaia da. <\/p>\n\n\n\n

Potreta;\nAntton – 51 urte – Banka\/Baiona<\/strong><\/p>\n\n\n\n

\n\u201cBIZIn,\nnahasketa interesgarria ikusten dut euskal mugimendutik heldu diren\nmilitanteen eta kanpotik etortzen diren militanteen artean. Iduritzen\nzait BIZIk zubi-lana egiten duela bi mundu horien artean.\u201d<\/em><\/p>\n\n\n\n

\"\"<\/figure>\n\n\n\n

\nBIZIn\nsartu nintzen gure gizarteak ingurumenari eta planetari egiten\ndizkien kalteak gero eta argikiago ikusten hasi nintzelako. Horrela\nsegitzen badugu, gure planeta, gure bizileku den mirakuluzko altxor\nhori, ezinbizitzeko bilakatuko dugu, guk, gure belaunaldiak.\nErrealitate horretaz oharturik, ezin nuen deus egin gabe egon. BIZI\nhautatu nuen, haren ekintza moldea gustatzen zaidalako.\nBortizkeriarik eza (Euskal Herriko historia politikoak bortizkeriarik\nezaren bidea hobestera ekarri nau), baina ekintza zuzenak eginez\n(zinezko eragina\nukan nahi badugu, ezin dugu hauteskundeen bidea soilik erabili).\nBIZIn, itzultzaile-taldeko\npartaidea naiz eta, artetan, ekintza batzuetan parte hartzen dut.<\/p>\n\n\n\n

\nBIZIn,\nnahasketa interesgarria ikusten dut euskal mugimendutik heldu diren\nmilitanteen eta kanpotik etortzen diren\nmilitanteen artean. Iduritzen zait BIZIk zubi-lana egiten duela bi\nmundu horien artean.<\/p>\n\n\n\n

\nIragarritako\nhondamen ekologiko, klimatiko eta soziala ikusi eta deus egin gabe\negon nahi ez dutenak BIZIrekin\nbat egiteko konbentzitu nahi nituzke. Ez egon pasibo. Gu mugitzen\ngara eta mugitzen segituko dugu. Gauzak aldatzen ahal dira. Elkartu\nbehar dugu, eta mugitu. Merezi du. Eta, euskalduna naizenez, dei\nberezi bat egin nahi diet euskaldunei. BIZI oraino gehiago\neuskalduntzea zuen esku ere da!<\/p>\n\n\n\n

\nKanpoko\nberri: 2022ko hauteskundeetarako\nklima estrategia<\/strong><\/p>\n\n\n\n

\nAlternatiba\neta ANV-COP21 mugimenduek datorren Frantziako lehendakari\nhauteskunderako kanpaina bat abiatua dute. Garai erabakigarri huntan,\nhiru erronka nagusi agertzen zaizkigu :<\/p>\n\n\n\n

\n–\nklima izatea hauteskunde horien ardatz nagusietako bat, eztabaida\nmediatikoetan nagusiki agertzen diren segurtasuna, eta immigrazio\ngaien kontra jarriz;<\/p>\n\n\n\n

\n–\neraldaketa ekologiko eta sozialaren inguruko gaia inposatzea,\nbiztanleriaren gehiengoa mobilizatzen ahalko duena: ekologia\ntirriagarria, bidezkoa eta errealista, karrikan eta hautesontziean\nnagusitzen dena;<\/p>\n\n\n\n

\n–\nbozen emaitza zein nahi izanik ere, hauteskunde ondoko garaia\naitzinetik asmatzea, mugimendu ekolo-sozial azkarra eraikitzeko\nxedez, lurraldeetan errotuko dena, politika liberalen eta\nidentitarioen kontra biztanleria berriz mobilizatzeko gai izanen dena\neta gizarte jasangarri eta berdinzalera buruz joatea fermuki eskatuko\nduena.<\/p>\n\n\n\n

\"\"<\/figure>\n\n\n\n

Ekintzak iragarriak dira: petizio bat abiatu, esku-orriak banatu, hautagai batzuen lanjerostasunaz abisatu haien kanpainako afixak xingolez estaliz, karrikan, sare sozialetan eta hedabideetan agertu\u2026 Gure mobilizazioetan potentziaz igoko gara mailaz maila. Ibilaldi bat izanen da martxoaren 12an, GIEC erakundearen 2. txostena plazaratu ondotik. Apirilaren 9an, lehen bozkaldiaren bezperan, indar erakustaldi ibilaldi bat antolatuko da, boz-emaileek bozkatzeko mementoan klima gogoan ukan dezaten.<\/p>\n\n\n\n

\nBisita\ngidatua: Euskaraz Bizin<\/strong><\/p>\n\n\n\n

\nEuskara\nBiziren nortasunaren zati garrantzitsua da, eta kide guziek\nelkartearen bizitzan biziarazteko gogoa baldin badute ere, talde bat\nbereziki horretan ari da: Euskaraz Bizin taldea. Itzulpen taldearekin\nlotura hertsiak ukanik ere, desberdina da,\nBiziren baitan euskarak duen lekuaz gogoetatu eta antolatzen du,\neuskarazko komunikazioa bermatzen du, eta erregularki parte hartzen\ndu euskarazko hedabideetan. Hilabetero Euskal Irratietan eta Radio\nkulturan ematen den Bizirik emankizuna animatzen du eta ardura\nartikuluak argitaratzen ditu Argia astekarian. Frangotan, Hegoaldeko\negiturek Biziri dei egiten diote hitzaldiak, ahozko edo idatzizko\nlekukotasunak, elkarrizketak emateko… Ahal duten neurrian\nerantzuten saiatzen dira taldeko kideak. Euskaraz Bizin taldea\neuskararen inguruko tokiko dinamiken transmisio-uhala da ere:\nEuskaraldia edo Korrika adibidez. Noizean behin, interesa duten\nkideentzako hizkuntza hastapen\/formakuntza saioak muntatzen ditu.\nBere azken egitasmoa: hizkuntzak elkartean duen lekua aztertzen duen\nliburuxka bat argitaratzea, eta honi loturik dauden hizkuntza eta\nelkarte-bizitzaren elkarren arteko ekarpenak. Laburbilduz, Euskaraz\nBizin euskara Bizi! elkartean eta Bizi! euskaraz\nbiziarazten duen taldea da … Bilkurak (euskaraz) hilabeteko\n3. asteazken guziez 19:00etatik 21:00etara.<\/p>\n\n\n\n

\"\"<\/figure>\n\n\n\n

<\/p>\n\n\n\n

\nEgin\ndugu: AHTri ez! Departamendu<\/strong>Kontseiluko\nteilatutik  <\/strong>\n<\/p>\n\n\n\n

Astelehenean, urtarrilaren 17an, Biziko 26 militantek ekintza ikusgarri bat egin zuten Pauen, Pirinio Atlantikoetako Departamenduko Kontseiluari AHT linea berriaren Bordele-Akize zatiaren proiektuaren finantzaketari uko egiteko eskatzeko. Elkarteko kideek Instituzioko eraikin nagusietako baten teilatuan igotzea lortu zuten. Ekintzaileek \u00ab CD64 : \u00e0 votre tour de dire NON \u00e0 la LGV ! Trena maite dugulako, gelditu AHT \u00bb banderola erraldoia fatxadan zintzilikatzea lortu zuten. CD64ak, hainbat baldintzarekin, batez ere AHT proiektuarekin zerikusia duten kolektibitate guziek haren aldeko engaiamendua hartzearenarekin, AHTaren alde deliberatu eta 3 astera iragan da ekintza hau. Baina geroztik, hainbat kolektibitatek proiektuaren kontra bozkatu dute, tartean Euskal Elkargoak. Bizik behargabeko proiektu inposatu hau salatzen du, eta gaur egun diren lineen berritzea eta lurraldeko tokiko garraio sarea indartzea sutengatzen du.<\/p>\n\n\n\n

Hitzorduak:<\/strong><\/p>\n\n\n\n