{"id":32550,"date":"2017-12-11T18:16:02","date_gmt":"2017-12-11T17:16:02","guid":{"rendered":"https:\/\/bizimugi.eu\/11-000-jendek-manifestatu-dute-parisen-bakearen-alde-euskal-herrian"},"modified":"2017-12-11T18:16:02","modified_gmt":"2017-12-11T17:16:02","slug":"11-000-jendek-manifestatu-dute-parisen-bakearen-alde-euskal-herrian","status":"publish","type":"post","link":"https:\/\/bizimugi.eu\/eu\/11-000-jendek-manifestatu-dute-parisen-bakearen-alde-euskal-herrian\/","title":{"rendered":"11 000 jendek manifestatu dute Parisen, bakearen alde Euskal Herrian"},"content":{"rendered":"

 <\/p>\n

\"\"\"\"<\/p>\n

 <\/p>\n

Bakea Euskal Herrian : orain presoak !<\/strong><\/h3>\n

11 000 jendek manifestatu dute Parisen<\/strong><\/h3>\n

<\/h3>\n

Antolatzaileen hastapeneko helburua -hots Parisen 5000 jende biltzea euskal presoak eta familiak hunkitzen dituen salbuespen erregimenarekin bukatzea eskatzeko- gainditua izan da ausarki. Azkenean, 11\u00a0000 jende ginen abenduaren 9an Bakegileak eta Bake bidearen deiari erantzuten, urte hastapenean iragan zen ETAren armagabetzearen manifestaldi ohargarriaren ondotik frantses gobernuari Euskal Herriko bake prozesuan parte hartzea eskatzeko.<\/span><\/p>\n

Euskal Herriko hautetsiek eramandako \u00ab\u00a0Bakea Euskal Herrian\u00a0: orain presoak\u00a0!\u00a0\u00bb banderola, Euskal Herriko auzapezen Biltzarreko presidentea eta joan den uztailetik justizia ministerioarekin eztabaidak eramaten dituen delegazioak (*)\u00a0 manifestaldia ireki dute 12:30tan. Lehenago, Euskal Herritik trenez, autobusez edo bide oroz etorri ziren milaka jende hasi ziren elkartzen Montparnasse inguruan, goizeko 11etatik goiti.<\/span><\/p>\n

 <\/p>\n

 <\/p>\n

 <\/p>\n

\"\"<\/p>\n

200 hautetsi eta gizarte zibilaren ordezkarik manifestaldiaren lehen lerroak osatzen zituzten, haietan Euskal Herriko auzapez eta eragile ugari eta Frantziako beste pertsonalitate batzuk, Alain Lamassoure, Benoit Hamon, Emmanuelle Cosse, Fr\u00e9d\u00e9rique Espagnac, C\u00e9cile Duflot, Jose Bove, Ugo Bernalicis, Mr Gayot, Philippe Poutou\u2026<\/span><\/p>\n

Ondoren, Frantzian eta Espainian espetxeratuak diren euskal presoen familiek osatu dute jende lerroa, euskaraz eta frantsesez idatzitako \u00ab\u00a0Etxean nahi ditugu\u00a0!\u00a0\u00bb banderolaren lemapean.<\/span><\/p>\n

Hauxe da jendaldea\u00a0! ETAren armagabetzea antolatu zuten Bakegileen zapi urdina janzten zuten askok. Euskal Herritik nagusiki etorritako jendez beteriko manifestaldia, baina Frantziatik bakea eta presoen aldeko aldarrikapena sustengatzera etorri ziren beste ehunka jende ere hor zeuden.<\/span><\/p>\n

 <\/p>\n

\"\"<\/p>\n

 <\/p>\n

Fabienne Servan Schreiber film produktoreak hartu du lehen hitza, \u00ab\u00a0Betiereko balore unibertsal hauen izenean bildu gara gaur, gatazkari konponbide bat atxemateko Euskal Herrian ematen diren indarrak bermatzeko eta sustengatzeko. Etorri da bake justu eta iraunkor baten baldintzak finkatzeko garaia\u00a0\u00bb.<\/span>
\nIrakurri bere hitz hartzea<\/em><\/a><\/p>\n

Joana Haranburu euskal preso baten alabak zehaztu du\u00a0: \u00ab\u00a0Azken urte hauetan pausuak egin dira euskal gatazka politikoa konpontzeko, bake iraunkor batera heltzeko. Baina presoak eta beren ahaideentzat, haurrak, burasoak, aitatxi-amatxiak, lagunentzat… ametsgaizto berdina izaten da, ez da ezer aldatu, oraino gaitzago ez bada\u00a0\u00bb.<\/span>
\nIrakurri bere hitz hartzea<\/em><\/a><\/p>\n

Anaiz Funosas Bake Bideako presidenteak zehaztu ditu manifestaldiak eramandako aldarrikapenak\u00a0: \u00ab\u00a0Aski da orain, euskal presoen dispertsio politikarekin bukatu behar da, zuzenbidea aplikatu behar da\u00a0! Eri diren presoak askatu\u00a0! Baldintzapean izan daitezkeenak askatu\u00a0!\u00a0\u00bb<\/span><\/p>\n

Jean-Ren\u00e9 Etchegaray Baionako auzapeza eta Euskal Herri Elkargoko Presidenteak ahobatezko sustengua oroitarazi du \u00ab\u00a0Elkargoan ordezkatuak diren euskal gizartearen alde guziek dakartzate aldarrikapen hauek, Euskal Herrian bake iraunkor baten alde egiten du elkargoak\u00a0\u00bb.<\/span><\/p>\n

Michel Berhocorigoin, Luhuson atxilotutako Bakegileak gehitu du\u00a0: \u00ab\u00a0Urgentziazko neurri hauek konponbide eta elgar bizitze perspektiba osoago batean sartzen dira. Noski euskal presoak eta erbesteratuak Euskal Herrira itzuli beharko dira, eta biktima guziak ezagutu beharko dira, egia eta konponbidea zaintzeagatik\u00a0\u00bb.<\/span><\/p>\n

Michel Tubiana Giza Eskubideen Ligako ohorezko Presidenteak ideia berarekin segitu du\u00a0: \u00ab\u00a0Gure irudimenaren beharra dugu urte pisu hauetako eragile guziak -egin dutenak eta sufritu dutenak- onartzen dituen mekanismoa eraikitzeko\u00a0\u00bb, eta bururatu du \u00ab\u00a0Indar handi batekin erraten dugu\u00a0: espainiar eta frantses gobernuek beren jarrera aldatu behar dute eta bakearen bidean lagundu behar gaituzte. Ez dadila inor oker ibili, ez dugu amore emanen\u00a0\u00bb.
\nIrakurri bere hitz hartzea<\/a><\/em><\/span><\/p>\n

(*) Delegazioarako presente zirenak : Michel Berhocoirigoin, Anaiz Funosas, Michel Tubiana et Jean Ren\u00e9 Etchegaray.<\/span><\/p>\n

Parlamentariak : Fr\u00e9d\u00e9rique Espacgnac, Pririneo Atlantiketako senataria (LR) ; Vincent, Bru, Pirineo Atlatiketako diputatua (Modem Apparent\u00e9), Denise St P\u00e9, Pririneo Atlantiketako senataria (Union Centriste), (LR) , Max Brisson, Pririneo Atlantiketako senataria (LR) <\/span><\/p>\n

Beraiekin : Lucien Betbder, Auzapezen biltzararen lehendakaria et Xabi Harrispe, LREM-ko ordezkaria et Michel Veunac, Miarritzeko auzapeza <\/span><\/p>\n