2016ko otsailaren 8an Jérôme Cahuzac budjetaren ministro ohiaren auzia abiatu da Parisen. Diru zuritzea eta zerga iruzurra nola egin jakiteko nahiko postu ona zuen, eta, 2013an Méadiapartek harrapatu zuen.

Ez da zalantzarik epaiketa hori bidezkoa eta beharrezkoa dela, baina, eskasa Attac, Amis de la Terre, Actions Non Violentes-COP 21 eta Bizi!ko militanteentzat. 2015eko otsailetik azken horiek zerga ihesa praktikatzen duten 39 banketxe bisitatu dituzte, eta 243 aulki errekisizionatu dituzte. Gogoratu zaitezte horietarik 196 antzezteko baliatuak izan ziren, abenduaren 6an, Alternatiben Munduko Herrixkaren karietara, Montreuilen egin zen trantsizio ekologikoaren eta sozialaren finantziamenduaren gailurrean.

Aulki berdinek Pariseko Pont au Change zubia zeharkatu dute epaitegitik hurbil gelditzeko, zerga ihesaren salaketak izan beharreko ikuspena ukan dezaten. Bortizkeri gabeko ekintza hau lobby indartsuen mota askotariko espekulazioen aurkako borroka prozesu luze eta neketsu batean sartzen da, eta, batak besteak bezain garrantzitsuak diren aldarrikapenak eransten dizkiogu: zerga zerbitzuetan enplegu sorrerak izatea ez eta, orain gertatzen ari diren, kentzeak; banketxeen egiazko aktibitateentzat gardentasunaren obligazioa,  zerga ihesaren zigor eragozgarria (egungo isunak arantza kaxkar batzuk baizik ez dira iruzurgileen oinetan).

Gertatzen ari denaren errudunek aldarrikapen zuzen eta funtsezko horien gainean jartzen jarraituko dute… aulki gehiagorik ez izan arte!